O’taste (禧利街)

营业中

休息中

依间韩国嘢真系好抵，有超级多材料，仲要如果食饭女士真系好难先食得晒！我今次叫咗个饭卷餐，佢除咗有成10大旧饭卷之外，仲有辣年糕同韩式粉丝。饭卷好睇你叫咩，我就叫咗猪，你见到佢𩠌同饭嘅比例近乎1:1,甚至饭系少啲，所以唔会怕食饭卷会食咗好多饭又无咩𩠌嘅依个顾虑，而且10个其实真系好多，食5,6个其实都已经饱。至于个韩式年糕，都真系几辣，但佢煮得好够林，唔会好难咬，而且啲辣都真系好入味，同埋年糕都好饱肚。个粉丝其实都系饱肚嘅食物，佢系油油地但好香麻油味。不过韩式餐就唔好期望佢好似啲粉面饭咁热辣辣，除咗个年糕之外，其他都系冻咗嘅。另外我再买咗支梨茶。