加賀真味料理

营业中

休息中

今晚家姐请食饭，就带左我去试下呢间加贺，店舖小小坐位不多大约十几个位，不过坐得尚算舒服，老板娘招呼好好，见我地3个人不停叫乜都想试，就提醒我地够食架啦，咁我地就乖乖停手等食啦。首先前菜来个冻蕃茄，好有惊喜，因为我一向唔食生蕃茄，怕𠮶阵腥味，但呢个一啲都唔腥，配埋个甜甜酸酸嘅汁，真系好好味好开胃。再黎个芒果蟹子沙律，蟹子超多，个沙律酱都较得好好味。跟住到水母刺身，口感比普通海哲爽脆啲，但多左份海鲜嘅甜味。再上就系日本马粪海胆同活赤贝，呢个海胆比我地平时食嘅马粪海胆细只，老板娘话其实加拿大嘅马粪海胆最好味，不过而家唔当做，所以叫我地试下呢个日本嘅，细细粒但都好浓味好甜，配埋饭同紫菜上，正！活赤贝就唔多讲喇，新鲜！到老板娘介绍嘅粒贝刺身，食落真系好爽脆，淡淡嘅海鲜甜味，以前喺其他餐厅食过一只都唔平，呢度简直系超值，无介绍错👍串烧拼盘，牛油果软壳蟹卷都系ok嘅，最后嘅甜品烧菠萝先系最惊喜，烧到微焦嘅菠萝面有层脆焦糖，系我食过最正嘅烧菠萝，必食！仲有个鳗鱼饭，不过我唔食嘅，朋友成碗隧晒😁，三个人食左咁多嘢，埋单都系$900,好抵好抵，已经约定过两日再encore！