新麻蒲 BBQ (已結業)

寻晚九点几行行吓旺角，好奇怪见倒新麻浦都有放题，168任食㖞，食佢一碟五花腩，加杯嘢饮都回本啦，咁笋，我同个friend即刻唔食鸡煲，试吓韩烧啦，我两个一坐低，啲前菜就攞过嚟，仲系任加，沙律同泡菜真系一流，其实我有谂过放题啲肉同单点嘅肉系咪有分别，我问个侍应，佢答我系一样，哗，真定假呀，当时唔理，即时点最贵嘅济州黑毛五花，再护心肉，猪排骨，猪肩肉，如果计单点，𠮶度都成700几蚊，但系宜家370埋单，仲有主食同饮品送，真系谂唔通，嘢食到，卖相同份量都ok，味道，一流，特别系猪排骨，我一个人都食咗4块，我地两条友一共食咗18碟，如果唔系放题，我谂张单唔过千都落唔倒楼，讲环境，地方都几企理，枱大，卡位，望住条街，啲伙计都好有礼貌同成日问我地加唔加泡菜，生菜，又好勤力咁帮我地换块烤板，我谂我地由食到走，换咗7次板，真系辛苦晒，不过最尾中不足就系无韩国雪花冰食，因为部机坏咗，唔紧要，下次再嚟食过，今餐真系好满足，饱到上心口......一个字《正》