二世祖

营业中

休息中

佢嘅食物一直都充满住吸引力！仲要menu定期更新！✨原个水牛芝士波鲜茄黑醋汁藜麦沙律🥗先有一个清新嘅沙律作为前菜，加上咗黑醋汁同埋藜麦感觉亦都更加健康。特别欣赏处理蕃茄嘅手法，好似三文治咁夹杂起水牛芝士嘅中间，食落去清甜又清爽，中和芝士🧀当中嘅奶滋。✨鲜蓝青口虾头油烩饭以前嚟到都系食汉堡，但系难得见到有新嘅Menu推出当然要试一试，烩饭嘅口感非常之好，入口满满嘅海鲜香气！✨鲜牛油果山葵蟹肉三文鱼子多士小编本身仲好担心山葵会抢佢味道，但系反而好好地作为咗一个配衬。牛油果同蟹肉本身已经好夹，再加埋三文鱼子就多添一份口感，顺带一赞多士好香脆～✨阿祖朱古力心太软配玄米茶雪糕。朱古力心太软好邪恶，但系嚟到一间以朱古力为名嘅餐厅，梗系要拣黎试下。轻轻切开就有澎湃嘅朱古力效果，酱汁冇想像中嘅甜，衬上玄米茶嘅雪糕更加有中和之效！✨二世祖特浓朱古力建议一定要试一试，无论系朱古力嘅底蕴定系层次都喺口腔慢慢渗出唔同程度嘅甜，入口非常之滑～✨水蜜桃果粒茶一入到秋冬季节，喉咙总会有几声干涸，又有几声咳，所以一于嚟返一壶热嘅水蜜桃茶，真系粒粒水蜜桃，味道好清好润好香。