響葫蘆 燒物 . 居酒屋 (已結業)

本身SNAPPY都唔係放題FANS不過比朋友拉左泥一齊食，咁就試下啦。第一ROUND就梗係食下刺身啦，個PRESENTATION望落就唔錯啦，食又點呢。D蝦都叫做幾鮮甜，魚生都叫做唔錯。但有D略遜一籌，油脂分佈唔夠平均，油香不太足夠。食下熱野回下先。個青口SIZE都唔細，味道都唔錯，雖然冇SEASONING但咁先食得番D味道。但呢個牛肉D味有D怪。而且炒符過火了少許，比較鞋。食放題好少見有鰻魚!仲要成條上!個燒汁香甜，鰻魚又滑，絕對絕對值得ENCORE!至少我就食左幾次了。鰻魚壽司都唔錯，但最正都係成條。天婦羅都炸得幾香脆唔算油膩。但炸粉偏厚了點。軟殼蟹都幾正又香口。呵呵仲有海膽手卷。D海膽都叫新鮮，冇腥臭味。而且飯量都唔係好多，食多D都唔怕。