群記清湯腩 (已結業)

难得平日晏昼经过群记 又唔洗排队 忍唔住要食返一碗爽腩河！坐低落完单唔够5分钟已经有野食！先饮一啖汤，牛味香浓而且好清，一啲都唔觉油腻，亦冇味精味，唔觉得咸或者口渴 直头可以成碗汤饮晒佢！本身比较重口味嘅我就比较钟加多几滴辣椒油，令味道更加野味！爽腩半肥半瘦带点筋，十分有口感，而且分量好多！我自己一个人食都唔系好食得晒啲肉！河粉就正正常常啦！如果有米线就好啦！唯独有两旧比较瘦嘅就有啲「鞋」，除此之外，其他都好好味！下次仲想再试下牛脷同牛脸珠😋