石磨坊 (已結業)

睇完戏，又唔系好夜，唔肚饿，只系口痕，当然最好就系食甜品啦~未去到但离远二十几米外见到石磨坊门口都有几个人等位，本来要等就想调头，但朋友拉住话要食炖奶，我话去义顺啰~但朋友都系话既然黎到就唔差几分钟等一等，不过好好彩咁，当我地去到门口，0个几个人就入得去喇~我话两个，都可以即刻入唔驶等呢我朋友叫左炖奶，我就叫左朱古力炖奶，几分钟就上台喇﹗朱古力炖奶0系第二度食过，但第一次见咁样装，系一个胶兜放入碗咁上，我谂紧呢样系热野，d胶会唔会释出一d化学物质出黎呢?虽然系咁谂，但闻到阵朱古力香味，只右手已经自动启动，第一啖0既感觉系好滑，滑到好快就滑左落肚，第二啖先记得食清楚个味，唔~甜甜地，唔系太甜，几好，为左延长呢种满足感觉，我每一啖都细细的，最后三十六啖先食完，其中一啖系朋友0既~呢度人流好多，伙计姐姐d服务效率好高，同埋d音乐比较嘈，我都唔会留得太耐，要倾偈就唔多适合，所以今次都系口痕先黎。