錦麗 (信德中心)

营业中

休息中

由澳门搭船返港，以前就会食澳门茶餐厅，宜家冇咗啦，行多几步见到“锦丽”越南餐厅，唔错，肚饿医肚至啱。点咗个推荐嘅"火车头粉"，贪佢够大堆头，有5款配料: 佢哋系牛筋,牛丸,牛腩,扎肉，谷饲肉眼，汤头清甜滋润，牛丸够弹牙，牛筋够筋道，样样都好perfect，可以拣粉食，拣咗金边粉；锦丽生牛肉粉被Wall Street Journal誉为胡志明市最好吃牛肉粉，又点可以唔试呢？呢个就拣咗河粉，带点粉红色的牛肉系好吸引，但都系焯熟少少先食，啲汤底真好鲜甜，饮多几啖先。由于嗌嘅系套餐，可以加小食，每份27蚊，嗌得多又减啲，最多嗌3样，本来嗌3样要81蚊，由于嗌得多减得多，因此最后3样只要62蚊，劲抵👍🏽以下就系我哋点嘅小食，有“紫薯春卷”，“家乡鱼饼”，“椰青·斑斓椰汁糕”，“金丝网虾春卷”，“越式葱油鸡翼”和“越式蔗虾”，紫薯春卷第一次食，有惊喜，超好食，斑兰椰汁糕好靓，一白一绿两个心型；加32蚊嘅新鲜椰青好饮解渴，有提供小匙羹挖椰肉，饮得开心食得开心。