影片
更多
2016-07-10
878 浏览
见咁多好评，又即时book到位，所以黎试下呢间喇！餐厅环境一般，装修普通，每个位之间好逼，所以座位好多。充满期待去叫左2个饭，再每个人＋＄88转餐。第一样黎既系香草包，味道同质感一般，冇乜特别，细细旧。牛油提供系一块薄既三角形，好少份量，唔够用。之后呢个红菜头，系全晚最赞既野！味道ok，而且口感都不错，煮得够浓够杰身。不过放左d 包落去，仲浸到淋哂，呢样有少少怪。前菜不过不失，唔算新鲜。松叶蟹肉三文鱼籽意大利饭呢个完全系一个伏！全个饭真系得几粒三文鱼籽！！蟹肉我完全食唔到！＄128我全程剩系食饭…加上呢个饭口感较硬同干，完全唔系平时食开意大利饭既口感。而味道系配类似柠汁既酸酸地，我望住果几粒三文鱼籽… 全程剩食饭…真系愈食愈酸…心酸轻烧带子黑松露意大利饭。我系好钟意食黑松露既，所以呢个饭岩我口味，唔错。带子内在未熟，因为系轻烧，所以都算保留到份鲜味。个饭明显比上面个松叶蟹肉三文鱼籽意大利饭好， 起码口感较滑同creamy，呢个＄128我觉得合理。甜品一般，中间系个lime芭菲，个人比较钟意雪糕多d，而且个芭菲比较淡，冇乜味。另外2样不过不失。水信玄饼。当初系俾呢个甜品吸引我黎，所以＄6
见咁多好评，又即时book到位，所以黎试下呢间喇！
餐厅环境一般，装修普通，每个位之间好逼，所以座位好多。
充满期待去叫左2个饭，再每个人＋＄88转餐。
第一样黎既系香草包，味道同质感一般，冇乜特别，细细旧。牛油提供系一块薄既三角形，好少份量，唔够用。
之后呢个红菜头，系全晚最赞既野！味道ok，而且口感都不错，煮得够浓够杰身。不过放左d 包落去，仲浸到淋哂，呢样有少少怪。
前菜不过不失，唔算新鲜。
松叶蟹肉三文鱼籽意大利饭呢个完全系一个伏！全个饭真系得几粒三文鱼籽！！蟹肉我完全食唔到！
＄128我全程剩系食饭…加上呢个饭口感较硬同干，完全唔系平时食开意大利饭既口感。
而味道系配类似柠汁既酸酸地，我望住果几粒三文鱼籽… 全程剩食饭…真系愈食愈酸…心酸
轻烧带子黑松露意大利饭。我系好钟意食黑松露既，所以呢个饭岩我口味，唔错。带子内在未熟，因为系轻烧，所以都算保留到份鲜味。
个饭明显比上面个松叶蟹肉三文鱼籽意大利饭好， 起码口感较滑同creamy，呢个＄128我觉得合理。
甜品一般，中间系个lime芭菲，个人比较钟意雪糕多d，而且个芭菲比较淡，冇乜味。另外2样不过不失。
水信玄饼。当初系俾呢个甜品吸引我黎，所以＄68 蚊都要试下！结果又系失望。
个卖相好靓，食落似普通jelly，系靠d汁令佢有味，但汁既份量好少。
＄68真系好唔抵
最后叫杯野饮啦，原来＋＄88转套餐但连朱古力都唔包架，唯有退而求其次叫冻柠水啦！
杯柠水仲要冇俾糖，全晚waiter都唔足够，叫左几耐先有人拎番糖浆俾我。
总括环境真系唔好，又逼又冇装修可言，食物质素一般，份量少。
价钱唔抵，样样要加钱。
以上呢餐两个人食左约＄550
服务唔太好，d waiter 个个冇笑容，而且太多客，每次叫待应要等等。
一句讲哂：冇下次
张贴
