新記車仔麵 (已結業)

同事介绍话正，咁就去试下啦。去到坐低就圈要咩啦，我就圈咗要4个𩠌，猪大肠+猪颈肉+卤水蛋+牛腩 米线,个底要牛腩汁，再加多个豆浆。碗野d料真系好少，d米线少到一个点，所有配料得好少，得一两旧到，最多就系猪大肠，有4旧。个汤系牛腩汁，好重牛腩味，好好味，但食完真系好口渴，d米线又少，又唔系好好味，仲要有d杂面系到。d牛腩好硬好碎，得两旧，又畀d无肉嘅黎㖞。卤水蛋好入味，好好味，完全变咗深黑色！猪大肠好好味，好软身，好入味，中间嘅脂肪亦都保留系到，所以大赞！猪颈肉都唔错，卤得几入味，最衰系太细旧！仲有饮野一定要拣豆浆，好重豆味，味道适中唔会太甜！不过最后两个人要$130，对比其他车仔面，真系太唔抵。未必会再食。