恆香冰室 (德佑大廈)

营业中

休息中

过晒食晏时间本来谂住食tea算数，经过呢间餐厅见佢多卡位好似几好坐咁就入嚟试下，坐低望下餐牌，见到佢有个避风塘椒盐猪扒爆蛋捞饭，有个招牌标志喺隔离，就决定试一试佢。上枱卖相ok，猪扒份量算多，而且有两只蛋，感觉唔错，而且有细心剪开一节节，点知食落就大失所望。椒盐猪扒虽然望落够火候，但一咬落，哗…. 咁韧嘅！自问仲算后生，牙力都叫良好，但件猪扒又韧又鞋，好似食紧香口胶咁。我都仲叫做用多啲力就咬到，牙力无咁好嘅我想像唔到。除此之外，猪扒得个咸字，无椒盐嘅入口味度，食完饮埋杯嘢饮都仲觉得口渴，完全唔掂。本人不嬲尽量食嘢唔嘥嘢，一般嚟讲上碟嘅我会连一粒米都唔剩，但呢块猪扒我尽晒力，真系食唔到落去，剩低嘅有相为证。