傳承清湯腩專家

营业中

休息中

睇完《米纸》战狼Fiona嘅介绍，一直都好想去，但次次都唔啱时间食唔成，今日见唔系太多人排就博一博，结果终于食到。由于佢哋只卖新鲜牛腩，每日限量供应，卖晒牛腩就收工，所以唔做晚市。今日下午3点已经冇晒崩沙腩、坑腩同爽腩，只系得番最普通𠮶啲牛腩，仲要冇晒肥嘅，好可惜……今次我嗌咗碗牛腩河同细牛丸，老豆要咗牛腩面，牛腩有牛味，但可能啲位唔靓，所以有少少韧，如果腍啲就好。汤头好浓好好饮，河粉系幼河粉，煮得啱啱好，超易夹；爸爸话面冇枧水味，几好。牛丸弹牙，牛味亦好浓，但奇怪嘅系，牛丸个汤比牛腩河个汤淡少少，爸爸试完都有相同感觉。