NUTTEA (鴻力工業中心)

营业中

休息中

之前讲过依间野饮超正，虽然贵咗啲，，但真系太好味到我又要写食评去赞佢。😂😂😂😂今次冬天就有特饮嘅，有一杯系芝麻味，本身都想试埋另一杯特饮，但系佢话要等半个钟以上，我就嗌咗宇治抹茶坚果奶。两杯都系热辣辣，啱晒冬天饮。宇治抹茶坚果奶超香！我本身食日本嘢都好钟意饮绿茶，所以今次饮到依间嘅抹茶我都好期待。点知都系唔会令我失望，因为佢嘅抹茶都好正，绿茶粉超级多，唔会令你觉得有淡嘅感觉，而且冬天咁落去，暖粒粒真开心！芝麻坚果奶呢杯系我朋友叫嘅，我就试咗两堂，本身我对佢冇乜期待，因为我对芝麻冇乜特别好感，但系饮落去又系超香芝麻味！仲有d饱饱地🥰🥰🥰所以依间真系令我一而再再而三试啊！