加記 (真善美大廈) (已結業)

事先讲明，我系呢间加记长期支持者，自从佢地开张(好似系2002或03年)至今，总会隔几个星期去一次，对佢地d食物都几满意。但最近一次同老婆去，就出问题啦。叫左个例汤和蒜蓉油墨菜，两样都普普通通啦。另一个蚝仔煎蛋，以前未试过，点知就出事。份量都几大，一大块咁，卖相亦好，当中除了蚝仔和蛋浆，仲加左炸菜，ok，有创意。点知一食…哗，咸到阿妈都唔认得，而且仲觉得佢d蚝仔有d腥。唔知系佢调味时失手，定系d蚝唔新鲜，想用咸味盖住d腥味，总之就唔掂。最后都系食剩一半。顺带一提，当年加记开张初期，店内油烟极大，食完之后必定一身油烟味，但后来改善了不少。不过，今次光顾时，发现呢个问题故态复萌，食完又系一身油烟味。唉，睇怕都要将加记列入观察名单，再无改善就唯有放弃。