好叉好味 (港灣道) (已結業)

今日嚟咗呢度附近做嘢，餐厅选择真系唔多。经过见到呢间外卖店，感觉上都几企理，试吓啰！餐厅非常专一，餐牌得几款食物，主打就系叉烧不过有啲比较创新嘅味道。我哋一人一兜饭再加一个小食。食物包装唔错，拎到返公司食个卖相都依然好好。我哋拣咗焦蜜叉烧菜饭。叉烧佢系切得比较厚身，食落口感唔错。叉烧落咗好多蜜糖，味道偏甜，好啱我口味！咁多件叉烧都肥瘦均匀，食落唔会好干好硬菜饭入面嘅小棠菜都好多，感觉都几健康。小食咖喱墨丸都几爽口，味道都唔错！下次赶时间想食𠮶快lunch，可以嚟呢度买外卖！