新桂香燒臘

营业中

休息中

特登平日来食，因为地点问题所以即使想来都太远。5点来到冇哂叉烧要等5点半出炉，仲好够哂新鲜滚热辣。5点半返到黎已经见门市有人龙，我而d堂食既就唔洗等，本身堂食得4张小枱，所以预左有位都好好。半肥瘦叉烧饭40蚊一碟，唔贵因该而间野系少数用新鲜猪梅肉烧叉烧既烧味铺头。极速黎到，一睇就知正野，色泽一流，焦边系哂度，真正半肥瘦，一入口蜜味同咸味刚好，仲有新鲜猪肉先有既味道，略为觉得斩得太薄，但无论味道，色泽同肥瘦程度一流。佢附近有间烧味铺，从来都好少人，因为你见到都唔会想食，证明好多街坊宁愿比贵好多都要拣而间系值既。PS 除叉烧外，其实烧味认真不要抱大期望，因为始终佢招牌系叉烧。