影片
更多
2022-07-08
601 浏览
近排出差铜锣湾, 女友小熊今日亦都系铜锣湾收工, 于是约埋一齐系铜锣湾食晚饭.中午系华嫂食咗个唔多满意嘅叉烧, 心有不甘, 系要食到个满意嘅叉烧先满足, 于是去咗登龙街大壹烧鹅.点咗叉烧同烧肉系例牌之外, 当然去到大壹烧鹅就紧系点烧鹅啦!叉烧用上五花腩, 有肥有肉有㶶边够甜够味, 我对叉烧嘅要求, 哩碟叉烧全部条件齐哂, 叉烧入口松软, 连我大爱嘅葱蓉都唔需要点, 已经够入味, 㶶边叉烧更加系神来之笔, 依家个个嗌注重健康, 什么什么㶶叉烧话无益有害, 搅到㶶叉好似生人勿近, 唔系间间烧味店有供应, 食到的话好似中奖, 所以, 食完旧㶶叉即刻满足翻中午嘅失落感.我唔中意食烧肉, 一来烧肉底好咸, 二来烧肉肉质太实变得口感又硬又柴, 最后如果皮唔够脆必定死罪, 由于劣品烧肉实在太多为免失望索性唔点, 但大壹烧鹅嘅烧肉将以上嘅缺点完全消失, 味道唔系大咸而适中, 外皮脆口而肉质松软, 咁先至系一件好味嘅烧肉啰!烧鹅相信系啱啱烧制完成, 因为烧鹅仍暖, 第一次食暖嘅烧鹅, 原来好味好多, 同摊到冻哂系烧鹅完全两回事, 鹅肉唔韧唔实超嫩滑亦十分 juicy, 皮脆，亦都唔需要点甜梅酱都好入味好
中午系华嫂食咗个唔多满意嘅叉烧, 心有不甘, 系要食到个满意嘅叉烧先满足, 于是去咗登龙街大壹烧鹅.
点咗叉烧同烧肉系例牌之外, 当然去到大壹烧鹅就紧系点烧鹅啦!
叉烧用上五花腩, 有肥有肉有㶶边够甜够味, 我对叉烧嘅要求, 哩碟叉烧全部条件齐哂, 叉烧入口松软, 连我大爱嘅葱蓉都唔需要点, 已经够入味, 㶶边叉烧更加系神来之笔, 依家个个嗌注重健康, 什么什么㶶叉烧话无益有害, 搅到㶶叉好似生人勿近, 唔系间间烧味店有供应, 食到的话好似中奖, 所以, 食完旧㶶叉即刻满足翻中午嘅失落感.
我唔中意食烧肉, 一来烧肉底好咸, 二来烧肉肉质太实变得口感又硬又柴, 最后如果皮唔够脆必定死罪, 由于劣品烧肉实在太多为免失望索性唔点, 但大壹烧鹅嘅烧肉将以上嘅缺点完全消失, 味道唔系大咸而适中, 外皮脆口而肉质松软, 咁先至系一件好味嘅烧肉啰!
烧鹅相信系啱啱烧制完成, 因为烧鹅仍暖, 第一次食暖嘅烧鹅, 原来好味好多, 同摊到冻哂系烧鹅完全两回事, 鹅肉唔韧唔实超嫩滑亦十分 juicy, 皮脆，亦都唔需要点甜梅酱都好入味好好食, 两百几蚊半只绝对超值, 性价比高!
下次买烧鹅返屋企做外卖, 有选择目标了!
系唔系呀小熊?
喂! 小熊.... 我只烧鹅脾呢?
左-烧肉，右-叉烧
19 浏览
0 赞好
0 留言
烧鹅
28 浏览
0 赞好
0 留言
张贴
