影片
更多
2015-02-23
1237 浏览
猫兄寻日吹鸡约食饭, 估唔到一吹即响, 无他嘅, 钻妈系唔系都唔出嘅, 今次理由系囝要考试, 剩返台山四宝就易办事...初时猫兄提议去排队食韩菜, 龙妈唔想排队反建议食老赵, 勾起我模糊的记忆, 刚出来社会打工时, 唔知边个生日, 好似系拉大队去文苑街老赵食晚饭, 当时觉得位置非常偏僻, 走咁远水路, 食物又唔系话好好食, 仲要卫生同服务都极有待改善, 印象很差... 后来... 好似过多2年无敌生日又提议去山林道老赵食晚饭, 记忆中地点就脚得多, 卫生好一点, 但食物味道未至好到要专程坐车去食...今日, 无人生日, 只系纯友谊饭局, 台山四宝的友谊始于台山, 好, 大家一齐用台山话唱返支「友谊之光」先!!!♫ 人生于世上有几个知己多少友谊能长存 ♫ 嘿... 我地一齐走过的人生路, 竟高达人生的85%, 真系讲出来都吓亲自己...是夜重点 : 水货客交收货物!!! 嗯... 点解你地隔山买牛买极都乐此不疲?!! 配服, 配服!!!龙妈订咗枱7:00PM, 我6:50PM去到, 店员唔比我入座... 晕陀陀咗2日, 唔想企系街等, 走咗去对面松记糖水打算补充糖分, 不过, 未落单已经
猫兄寻日吹鸡约食饭, 估唔到一吹即响, 无他嘅, 钻妈系唔系都唔出嘅, 今次理由系囝要考试, 剩返台山四宝就易办事...初时猫兄提议去排队食韩菜, 龙妈唔想排队反建议食老赵, 勾起我模糊的记忆, 刚出来社会打工时, 唔知边个生日, 好似系拉大队去文苑街老赵食晚饭, 当时觉得位置非常偏僻, 走咁远水路, 食物又唔系话好好食, 仲要卫生同服务都极有待改善, 印象很差... 后来... 好似过多2年无敌生日又提议去山林道老赵食晚饭, 记忆中地点就脚得多, 卫生好一点, 但食物味道未至好到要专程坐车去食...
今日, 无人生日, 只系纯友谊饭局, 台山四宝的友谊始于台山, 好, 大家一齐用台山话唱返支「友谊之光」先!!!
♫ 人生于世上有几个知己
多少友谊能长存 ♫
嘿... 我地一齐走过的人生路, 竟高达人生的85%, 真系讲出来都吓亲自己...
是夜重点 : 水货客交收货物!!! 嗯... 点解你地隔山买牛买极都乐此不疲?!! 配服, 配服!!!
龙妈订咗枱7:00PM, 我6:50PM去到, 店员唔比我入座... 晕陀陀咗2日, 唔想企系街等, 走咗去对面松记糖水打算补充糖分, 不过, 未落单已经被龙妈捉返出来... 龙妈杀入老赵, 同店员讲话其余2人10分钟内到, 直接入座... 劲!!!
结果, 自称10分钟内到的KaKaMa, 迟咗20分钟以上... 约人出来的猫兄, 仲7点几先离开公司, 不过佢有苦衷, 唔怪佢...
热青柠可乐 $25
-- 晕咗2日, 唔敢饮冻饮,第一次试饮青柠煲可乐, 又几好饮㖞, 甜甜地, 无晒气, 淡淡的青柠香...
牛油鸡翼 (4只) $68-- 原来... 无影相!!! 可能因为太肚饿, wakakaka... 肥嘟嘟, 劲香牛油味, 脆脆地, 热辣辣, 好好味, 4只我队咗2只,呵呵~
咖喱牛腩饭煲 $70
-- 好好好味呀!!! 真真正正的港式咖喱!!! 咖喱好香浓, 够杰身, 唔辣, 有椰香, 牛腩同牛筋份量足, 百分百爱上, 我叫咗个白饭来捞, 打算每人食4份1个饭, 初时个个都耍手拧头, 结果食食吓个个都走去打果碗白饭主意, 一早知你地想食啦, 连你地自己都唔知, 呢D咪就系友情啰, 嘿嘿...
烘蒜蓉面包 (6片) $30
-- 甘香松脆, 捞咖喱好滋味, 其实就咁食都好好味, 好香蒜蓉味, 6片唔够喉...
香煎虾饼 $75
-- 唔弹牙仲要落咗我Dislike的香料, No Good, 我比较钟意炸得脆口的圆形虾饼...
椒盐软壳蟹 $98
-- 好好味, 热到辣嘴, 椒盐味恰到好处, 软壳蟹足料, 炸得香脆, 没有多余油份, 正...
马拉盏炒时菜 $45
-- 芥兰苗好幼嫩, 无草青味同苦涩味, 马拉盏好香, 不会过咸, 掂...
沙爹鲜虾炒米粉 $70
-- 我觉得味道麻麻, 不过KaKaMa好钟意... 炒得都几均匀... 可能因为太多我Dislike的椰菜, 影响印象...
白加士街真系好方便, 地铁站一出过一个街口就到, 成条街都系食店, 以后应该都会经常来...
店内无装修可言, 只系2排座位, 坐椅一点都不好坐, 卫生只达可接受水平, 食具系快餐店款式, 服务尚可, 但系咖喱真系好正, 价钱亦大众化, 希望佢可以继续经营落去, 等我地20年后再来见证台山四宝的友情岁月!!!
张贴
