Villa Villa Burger (已結業)

呢日去接男朋友放工，喺佢公司附近見到有一間幾有外國風既漢堡店。睇睇餐牌，見到呢度既野食貴精不貴多。有四款burger可以選擇，可以加點套餐，亦都有其他小食同埋飲品。我地有啲肚餓，所以就點左兩個餐加一個小食。男朋友點左特選美國牛肉漢堡，烘到好香脆既麵包夾住juicy既安格斯牛肉、車打芝士、焦糖洋蔥、芥末醬、牛油生菜同埋番茄，一大啖咬落去，層次豐富。我就點左雙層牛肉漢堡，呢個漢堡基本上同特選美國牛肉漢堡差唔多，不過就有兩層安格斯牛肉咁多，岩哂啲大食既朋友仔。跟餐有熱辣辣既薯條同埋飲品。小食方面，我地點左炸蕃薯條，即叫即炸，香脆惹味，好滿足啊！