影片
更多
2015-07-26
2188 浏览
之前到过好几次观塘啲厂厦用餐，有中式，有西式，地铺、楼上铺都试过，好几次嘅用餐都感觉不俗，予人嘅印象都喺有质素，而价位相宜，当中真喺不乏卧虎藏龙，好有心做菜。今晚同朋友嚟到Bondi，会否遇上另一卧虎？晌入门口位嘅巨型雪梨市风景喷画，画有多个市内地标景点，估唔到连月神公园都画埋，绝对会吸引你走埋去望个究竟 。走入店内，先会发见一组陈列柜，原来Bondi唔只喺讲食，仲有讲求一种生活态度，陈列唔少相关产品作零售。而餐厅环境非常阔落宽敞，水泥地拼白砖墙，带少少粗犷味，而整体属简约嘅咖啡室格局，加上是晚人客不多，空间感更觉十足 。虽然每枱均放有蜡烛灯，浪漫就很难谈得上，但柔和嘅烛光却可以缓和一下气氛。再加樖小植物在枱上，感觉又会唔同啲 ！入门口右边，仲有个可容纳廿几人嘅贵宾房，如无人订，一样可要求坐入去用餐。晚市嘅餐牌好简单，几页纸就睇晒。共享嘅散点菜式，有汤品、小食、前菜、海鲜、意粉、主菜，每个类别都有三几款选择，更列明无加一及开瓶费，不过，如果带蛋糕嚟切，就要收番$50切饼费。另外仲有一张餐牌，就喺二人用嘅晚市套餐，包一客前菜、两客餐汤、一道意粉、一道主菜、甜品或饮品二选一，实价$5
晌入门口位嘅巨型雪梨市风景喷画，画有多个市内地标景点，估唔到连月神公园都画埋，绝对会吸引你走埋去望个究竟 。走入店内，先会发见一组陈列柜，原来Bondi唔只喺讲食，仲有讲求一种生活态度，陈列唔少相关产品作零售。
而餐厅环境非常阔落宽敞，水泥地拼白砖墙，带少少粗犷味，而整体属简约嘅咖啡室格局，加上是晚人客不多，空间感更觉十足 。虽然每枱均放有蜡烛灯，浪漫就很难谈得上，但柔和嘅烛光却可以缓和一下气氛。再加樖小植物在枱上，感觉又会唔同啲 ！
入门口右边，仲有个可容纳廿几人嘅贵宾房，如无人订，一样可要求坐入去用餐。
晚市嘅餐牌好简单，几页纸就睇晒。共享嘅散点菜式，有汤品、小食、前菜、海鲜、意粉、主菜，每个类别都有三几款选择，更列明无加一及开瓶费，不过，如果带蛋糕嚟切，就要收番$50切饼费。
另外仲有一张餐牌，就喺二人用嘅晚市套餐，包一客前菜、两客餐汤、一道意粉、一道主菜、甜品或饮品二选一，实价$528。
厨师沙律 $78 是日嘅厨师沙律喺烟鸭胸芒果沙律，啲烟鸭胸切法有别平时常见嘅横切，而喺直切，所以鸭胸片比较长形，最钟意喺已去咗表皮，无咁油腻，却仍有烟鸭胸嘅熏香；不过，啲芒果咁处理就唔太欣赏，一来要个客刮起啲肉先嚟食，麻烦咗，二来刮出嚟嘅芒果肉变得细细粒，无晒口感，此外，亦唔见得咁做法好睇。如果厨师够刀功，切成薄片，卷成花形，仲赏心悦目啲。再者，沙律菜实在放得少，啲沙律菜好似伴碟咁，所以，似头盘多过似一道沙律 ！
厨师沙律
$78
91 浏览
1 赞好
0 留言
卖得$68就无期望会有好多，一客大概10只左右，卖相方面，睇得出厨师煮好鲜蚬后，再叠过放入碗内。罗勒配香茅，几崭新嘅经合，加埋白酒，味道确喺几幽香；虽然啲蚬唔喺好大只，肉亦无话特别厚，但胜在鲜甜又无沙。
罗勒、香茅、白酒炒鲜蚬
$68
69 浏览
0 赞好
0 留言
鲜三文鱼白酒汁意粉 $108 个意粉卖相就麻麻哋，一撮泡沫只喺装饰，无实际嘅作用，意粉内混入菠菜叶、青瓜条、荼树菇，感觉有点凌乱。用上鲜三文鱼总好过用烟三文，因为一道热呼呼嘅意粉配搭冷冰冰嘅烟三文真喺唔夹，之前就遇到过有啲餐厅喺用烟三文配意大利饭。至于个白酒汁意粉嘅味不俗，个白酒汁几香，质感杰身度啱啱好，意粉又煮得咬口。
鲜三文鱼白酒汁意粉
$108
67 浏览
0 赞好
0 留言
澳洲牛柳（6oz）配鸭肝慕丝 $248 我哋唔介意生少少，所以要五分熟，唔知点解，论卖相，其实都见佢哋花咗啲心思，硬喺觉得有啲堆砌感，无乜美感可言。澳洲牛柳采用窄身厚切，可更保肉汁，落刀𠮶下，觉得有啲韧，但切出嚟肉色粉嫩，唔似煎过火，入口质感都还可以，可能跟件牛柳本身嘅质素有关 。至于𠮶一小件鸭肝慕丝，甘香丰腴，柔滑可口！
澳洲牛柳（6oz）配鸭肝慕丝
$248
65 浏览
0 赞好
0 留言
甜品及饮品餐牌都喺列印晌另外一张小餐牌之上，虽然甜品列有7款，但未必全部均有供应，例如，我哋想试嘅班尼士朱古力饼就无货，最后拣咗精选蛋糕及自家制窝夫，因为前者喺浓香朱古力蛋糕，正正可以退二求其次代替番班尼士朱古力饼！
精选蛋糕 $45 「黑黑实实」就最啱形容件浓香朱古力蛋糕，全黑嘅身躯其实喺以黑朱古力蛋糕为基本，再有一层朱古力软浆，件蛋糕嘅朱古力味非常浓郁，质感挺实而实在，有点点近似班尼士，只喺无咗合核碎啫。
浓香朱古力蛋糕
$45
45 浏览
0 赞好
0 留言
等咗好耐先送到，仲以为漏单，但个窝夫真喺原全唔得，卖相又喺一贯嘅乱，一睇就知喺用现成货嘅即唧忌廉，嚟到都已经化开晒。而窝夫只有两嚿格件窝夫，入口好硬，一啲都唔松软 ，事后曾反映过俾店员知，佢虽然说明啲窝夫喺即叫即做，但水准实在有好大落差。
饮品方面，有咖啡、茶、朱古力、汽水及丝慕雪（Smoothie）之选，嚟到Bondi，首推喺咖啡啦，因为唔饮得都睇得呀 ！
意大利泡沫咖啡 $42 友人嘅意大利泡沫咖啡，照样帮佢拉花，因为泡沫咖啡都较少会拉花，一只白天鹅，令人对杯咖啡嘅感觉都喺唔同啲！
意大利泡沫咖啡
$42
72 浏览
1 赞好
0 留言
杯意大利泡沫咖啡就忘记问友人嘅意见，所以，就讲讲小弟所拣嘅焦糖鲜奶咖啡，个拉花就仲厉害，似孔雀开屏喇啩，靓成咁真喺唔忍心饮落去。杯鲜奶咖啡实在冲得有水准，口感均匀，入口奶泡跟咖啡好融和，醇香兼备 。
焦糖鲜奶咖啡
$42
84 浏览
1 赞好
0 留言
张贴
