影片
更多
2022-09-04
275 浏览
星期六搭船过咗港岛东𠮶边行逛散步，夜晚依然好热☀️，所以无去东大街扫街，而系去咗形荟揾食。之前嚟过呢个商场，知道有唔少餐厅，呢晚就帮衬咗位处地下嘅「一家」。虽然唔系成日行经，但我对餐厅印象深刻，皆因记得佢嘅装修好靓。从门外已经略为感受到中式复古风格🏮，室内环境更加瞩目，令人忍唔住打卡。除咗我之外，相中远处嘅情侣亦自拍紧😆。餐牌设计亦同样精致，菜式种类繁多，每样都好吸引，令人花多眼乱👀。由于太热，胃口一般，所以点嘅菜式较为清淡，而幸好食物出品亦能符合期望。小笼包($50/4件)，食得上海菜当然唔少得小笼包🥢，小笼包新鲜热辣蒸起，无得输。我认为好食嘅小笼包系要皮薄馅靓，但外皮唔应该咁易穿，需要承托住入面嘅肉汁。餐厅嘅出品完全达标！整得好食嘅话，基本上原味胜过晒一齐其他口味，就好似呢件咁😋。臭豆腐($78)，朋友见到臭豆腐即刻劲兴奋话要食🙈，我本身就唔太感兴趣。出奇地臭豆腐唔太「臭」㖞，味道无想像中浓郁，亦唔似街头小食𠮶浸味，不过食落坚系闻到豆腐经发酵嘅味道。豆腐外皮炸至酥脆，而入面就有啲似豆卜嘅口感，配甜酱同辣酱食好夹。白玉蒸虾球($128)，白玉其实系指蒸蛋白🥚，口感顺滑。蛋白面头放置咗四
星期六搭船过咗港岛东𠮶边行逛散步，夜晚依然好热☀️，所以无去东大街扫街，而系去咗形荟揾食。之前嚟过呢个商场，知道有唔少餐厅，呢晚就帮衬咗位处地下嘅「一家」。
虽然唔系成日行经，但我对餐厅印象深刻，皆因记得佢嘅装修好靓。从门外已经略为感受到中式复古风格🏮，室内环境更加瞩目，令人忍唔住打卡。除咗我之外，相中远处嘅情侣亦自拍紧😆。
餐牌设计亦同样精致，菜式种类繁多，每样都好吸引，令人花多眼乱👀。由于太热，胃口一般，所以点嘅菜式较为清淡，而幸好食物出品亦能符合期望。
小笼包
$50
14 浏览
0 赞好
0 留言
臭豆腐
$78
15 浏览
0 赞好
0 留言
白玉蒸虾球
$128
19 浏览
0 赞好
0 留言
韮菜锅贴($50)，煎锅贴一客有五只🥟，口味有四款选择。呢日想转转口味，竟然陪朋友食咗韭菜饺(平日唔食)🌿。饺子类似日式煎法，底部连埋一齐，脆卜卜。饺皮厚薄适中，煎至脆身唔油腻，咬开肉馅同小笼包一样爆晒汁，韭菜难得的清甜。
缸鸭狗玫瑰桂花汤丸($45)，最后当然唔少得甜品。店员一放低碗就散发住好香嘅玫瑰味🌹，而视觉效果亦因花瓣变得美艳，食落糯米酒香浓郁，汤丸浑圆，芝麻口感流沙🖤。
饮品方面，餐厅有自家制作茶饮部「家茶」🍹，款式五花八门，名称好盏鬼。我哋要咗娇滴滴姪女($40)同埋红卜卜堂妹($34)，两杯都大大杯，抵饮，而且冰凉消暑解渴。🍓堂妹系由士多啤梨、荔枝同红莓组成，粉红系少女味爆登，同埋唔似药水，因为草莓拼荔枝好多时都会中伏。姪女就系芒果奶盖茉莉花茶🥭，芒果肉唔酸，同茶底几夹。最重要系两杯都唔太甜。
总括嚟讲，小店嘅食物出品有水准，🇨🇳上海菜口味正宗，浓淡得宜，亦估唔到佢够胆卖臭豆腐呢啲重口味嘢，不过拿捏得非常好！最后，店员们嘅服务态度专业，老板娘亲切有礼，主动关心客人对食物嘅意见。呢度唔止得打卡装修，仲有高质素美食，令人满意👍😊。
张贴
