影片
更多
2014-01-10
1235 浏览
大除夕无出外倒数, 想早点吃完晚饭早点回家休息, 始终在家千日好... 外面人太多, 有点恐惧, 我是不是有自闭症呢?!! 哈哈...几个月前见到阿诗玛旧址正在装修改为咖啡店, 仲以为佢从此消失, 后来睇报纸见到美食前局长去咗新店试食, 原来又系太古城开翻, 不过就唔系好清楚系边个位开...今日口淡淡又想食酸辣米线, 就谂起阿诗玛, 上网揾下佢的新地址, 虽然唔确定, 都决定去试下揾...系太古城商场入面有2个出口可以去到, 第1个系阿诗玛旧址(现为连锁咖啡店)与Apita玩具部之间的出口, 一行出去转左就系... 第2个系百X汇与欧FA之间的出口, 一行出去转右系银行, 再转右, 行多几步就到... 哈哈, 我一向都系会拣错又远又耐的路, 今次都系, 拣咗第2个, 好彩只系多几步路...行到去阿诗玛, 哗!!! 大红+大金, 好土豪Style呀!!! 2个出入口都系要行4级楼梯, 对行动不便者如老人家及坐轮椅的人士有点不便...外面望到入来的地方系较为自成一角的大枱...再往内行, 一排4人枱, 一排2人枱, 再入颇迫的4人卡位, 再入都好似仲有... 坐下后Honey话外面望入来就
几个月前见到阿诗玛旧址正在装修改为咖啡店, 仲以为佢从此消失, 后来睇报纸见到美食前局长去咗新店试食, 原来又系太古城开翻, 不过就唔系好清楚系边个位开...
今日口淡淡又想食酸辣米线, 就谂起阿诗玛, 上网揾下佢的新地址, 虽然唔确定, 都决定去试下揾...
系太古城商场入面有2个出口可以去到, 第1个系阿诗玛旧址(现为连锁咖啡店)与Apita玩具部之间的出口, 一行出去转左就系... 第2个系百X汇与欧FA之间的出口, 一行出去转右系银行, 再转右, 行多几步就到... 哈哈, 我一向都系会拣错又远又耐的路, 今次都系, 拣咗第2个, 好彩只系多几步路...
行到去阿诗玛, 哗!!! 大红+大金, 好土豪Style呀!!! 2个出入口都系要行4级楼梯, 对行动不便者如老人家及坐轮椅的人士有点不便...
外面望到入来的地方系较为自成一角的大枱...
再往内行, 一排4人枱, 一排2人枱, 再入颇迫的4人卡位, 再入都好似仲有... 坐下后Honey话外面望入来就好靓, 入到来间隔就像茶餐厅...
茶芥-- 腌萝卜第1粒辣到反眼, 但Honey话唔辣, 我再食第2粒就唔辣, 微到差点不发现的酸, OK爽口... 凉拌3丝有红萝卜丝、薯丝及木耳丝, 好健康呀!!!
野菌山珍气锅鸡 $68-- 菌味浓, 汤头甘香, 热辣辣超烫嘴, 要小心饮用...
大理王爷骨 $78-- 多官冕堂煌的名字, 说穿了只是糖醋骨... 酱汁做得不错, 甜与酸的味道很平衡... 排骨肥廋适中, 第2天翻叮来吃也不会太韧...
家乡爆炒莲藕片 $78-- 明明清楚见到是莲藕, 入口的口感竟然像反沙芋, 分别只是这个是咸的, 反沙芋却是甜的, 很神奇呀... 最神奇的是大辣椒居然炸得像薯片一样脆, 一点也不辣, 香口惹味, Honey食到唔停得口... 仲有肥肉, 我唔敢试... 整体都几油腻, 偶尔一试无妨...
云南小锅米线 $78-- 落单昤要求"多酸", 但酸菜仍少得可怜, 唔知系经理无帮我落"多酸", 定系唔"多酸"的时候酸菜份量会更冷清... 米线过腍了一点, 肉碎大部份是肥膏, 韭菜少得离奇, 汤头香味略逊, 吃得不起劲...
价钱比搬位前贵了很多, 以后应该不会常来, 偶尔吧...
张贴
