大食代 (奧海城二期)

营业中

休息中

系奥海城Food court揾嘢食，咁啱想食台式嘢食，就嗌咗碗什锦面套餐，价钱一般般，冇话特别抵食。 古早卤什锦面套餐 $69成个面有猪手、卤肉、豆腐、鸡翼、冬菇、菜。分量真系唔可以话算多，做粗重工作嘅男人应该会唔够饱，我谂佢嘅卖点系上菜速度快，同埋里面有好多唔同嘅菜式。猪手几大旧易咬，卤肉软淋，鸡肉都嫩。面唔会煮得太淋，仲有少少弹性。成碗面同啲𩠌菜嘅味道其实一模一样，都系𠮶阵卤水味，味道中规中矩，不过不失。