影片
更多
2012-03-26
18 浏览
我因一时好奇，因未曾参与过Openrice o既试食会，有幸抽中其中甚感意外同开心。是日18/3/2012约20位参加者左右，我地大约4点开始试食。首先欢乐先生同欢乐小姐为我地介绍好乐满的由来同好乐满有益于美容健康等，我地系佢地搞搞气氛下，开始我地o既试食之旅。首先，大会为我地送上前菜，包括泡菜同4色凉菜，睇落似食韩式菜多过食日式，泡菜味道唔错，唔系好辣，同系韩国餐厅差唔多，4式凉菜就咸左少少，其中芽菜比较好食。第一道试食o既系猪横隔膜、猪尾和牛舌。除左牛舌外，相信我地平时绝对少食到猪横隔膜，甚至好少会用猪尾做菜式。猪尾食落好似食紧猪油咁，一路烤一路劲出油，幸好用生菜连葱丝包住黎食，食落都OK冇咁油腻。至于猪横隔膜，我咬左好耐都咬唔掂，我放弃啦! 第二道试食o既系牛小排、鸡颈肉和猪软骨。我地平时比较少食鸡颈肉，多数直接弃掉鸡颈，今次我地系见唔到鸡颈，所以大会唔讲，我地都唔会知道原来系食紧鸡颈肉，因为同平时鸡肉o既味道系一样。用生菜连葱丝包住黎食，非常好味，而且鸡颈肉又唔肥，值得推介。猪软骨就一D都唔软，好似食紧排骨咁，但烤黎食都别有一番风味，当然食落都几肥腻，用生菜包黎食就要小心中间个
是日18/3/2012约20位参加者左右，我地大约4点开始试食。首先欢乐先生同欢乐小姐为我地介绍好乐满的由来同好乐满有益于美容健康等，我地系佢地搞搞气氛下，开始我地o既试食之旅。
首先，大会为我地送上前菜，包括泡菜同4色凉菜，睇落似食韩式菜多过食日式，泡菜味道唔错，唔系好辣，同系韩国餐厅差唔多，4式凉菜就咸左少少，其中芽菜比较好食。
第一道试食o既系猪横隔膜、猪尾和牛舌。除左牛舌外，相信我地平时绝对少食到猪横隔膜，甚至好少会用猪尾做菜式。猪尾食落好似食紧猪油咁，一路烤一路劲出油，幸好用生菜连葱丝包住黎食，食落都OK冇咁油腻。至于猪横隔膜，我咬左好耐都咬唔掂，我放弃啦!
第二道试食o既系牛小排、鸡颈肉和猪软骨。我地平时比较少食鸡颈肉，多数直接弃掉鸡颈，今次我地系见唔到鸡颈，所以大会唔讲，我地都唔会知道原来系食紧鸡颈肉，因为同平时鸡肉o既味道系一样。用生菜连葱丝包住黎食，非常好味，而且鸡颈肉又唔肥，值得推介。猪软骨就一D都唔软，好似食紧排骨咁，但烤黎食都别有一番风味，当然食落都几肥腻，用生菜包黎食就要小心中间个旧骨了，都系咬唔到。
第三道试食o既系猪胃同牛肠。猪胃比较难烤熟，牛肠就好容易烧焦，所以要睇实几时食得好重要。猪胃我咬左好耐都咬唔掂，我放弃啦!
之后仲有好乐满内脏炒面，应该我地之前果几道内脏再加上牛百叶之类，呢个炒面有D我地平时食开o既豉油皇炒面，面条炒得唔错，又唔会好干，炒条食落弹牙，应该系用拉面黎炒。
跟住仲有香辣猪软骨薯仔锅，锅面舖上唐蒿，汤头辣辣地，材料仲有豆腐、薯仔、猪软骨等，但唔系好食得辣的朋友未必太喜欢呢道菜。猪软骨同之前烤猪软骨唔同了，今次比较林，易入口，似煲完汤的肉咁，唔错。豆腐都几滑，但我只系食到辣味。
最后大会为我地安排左甜品 – 雪糕，我地试食o既系云呢拿，雪糕同我地食开唔同，奶味较重，但好快溶，雪糕仲有D云呢拿籽系面，我都系第一次试，冇谂过平凡的云呢拿都可以咁特别。
好多谢Openrice同好乐满为我地安排呢次试食会，如果用餐期间可配合菊花茶或酸梅汤作饮料会更好，因为实在太热气了。我更多谢我的同枱搭档 – 羊家兄妹，我地一齐食得好开心。张贴
