影片
更多
2019-08-27
1035 浏览
前日(25-8-2019 Sun)晏昼,同老公又食个late lunch,由于荃湾有游行同落雨,原本想去买嘢都唔去喇,老公话嚟呢间,因为佢哋自己造嘅烧卖好食,好似糯米糍咁咁烟韧,其实之前嚟食过,觉得麻麻,但老公讲成咁,见又有啲饿,咁应该会好食啲嘅,就俾多次机会啦.我哋去到只有几个客人,老公叫烧卖先,个女仔话一串$10.00嘅烧卖有7粒,咁我哋要住一串先.然后老公要$32.00嘅牛根面,我要$40.00嘅猪肉丸云吞面.个女仔问我哋要唔要菜或嘢饮?啊,咁要菜啦,老公要冻奶茶,盛惠$40.00,我要热奶茶,盛惠$48.00.烧卖到嚟,睇见鱼肉唔系白色,而系灰色,食落,口感系唔同,有少少软糯,而味道都清清地.然后冻奶茶到嚟,我饮吓,饮到奶味,茶味唔多够.等咗都几耐,我杯热奶茶至到,饮吓,茶味比冻奶茶更淡.又等咗都好耐,两碗面一齐到嚟,见到牛根都唔少,老公俾少少我食,够腍嘅,味道都ok,不过啲汤嘅味道淡啲.而我嘅猪肉丸云吞面呢,面质爽口,只食到少少碱水味;猪肉丸味道唔太差;云吞内里有猪肉,已经好少食肆嘅云吞里面有猪肉喇.呢个都ok嘅.味道系2.58分睇返上次食评(https://www.open
我哋去到只有几个客人,老公叫烧卖先,个女仔话一串$10.00嘅烧卖有7粒,咁我哋要住一串先.然后老公要$32.00嘅牛根面,我要$40.00嘅猪肉丸云吞面.
个女仔问我哋要唔要菜或嘢饮?啊,咁要菜啦,老公要冻奶茶,盛惠$40.00,我要热奶茶,盛惠$48.00.
烧卖到嚟,睇见鱼肉唔系白色,而系灰色,
食落,口感系唔同,有少少软糯,而味道都清清地.然后冻奶茶到嚟,
我饮吓,饮到奶味,茶味唔多够.等咗都几耐,我杯热奶茶至到,
饮吓,茶味比冻奶茶更淡.又等咗都好耐,两碗面一齐到嚟,
见到牛根都唔少,老公俾少少我食,够腍嘅,味道都ok,不过啲汤嘅味道淡啲.而我嘅猪肉丸云吞面呢,面质爽口,只食到少少碱水味;猪肉丸味道唔太差;云吞内里有猪肉,已经好少食肆嘅云吞里面有猪肉喇.呢个都ok嘅.
味道系2.58分
睇返上次食评(https://www.openrice.com/zh/hongkong/review/%E6%B9%AF%E6%B1%81%E5%A5%BD%E5%91%B3%E6%9C%89%E5%92%A9%E7%94%A8-e3019465),原来我已经食过呢喥嘅烧卖.
环境:
呢间嘢都好耐喇,冇翻修过,但一入去就feel到冷气好大.
抵食系2.3分
张贴
