快樂小羊火鍋餐廳

营业中

休息中

快乐小羊只有小羊得快乐，而您就是没快乐！老老实实，呢间店价钱系中上就－早知，想食啲靓食材，俾贵少少真系冇所谓啦！不过，你使唔使限住只食两小时先？呢间店唔系任饮任食嚟嘅㖞，－够钟就准时叫我哋埋单，使唔使咁呀？跟住见你未走，就过嚟收晒你啲碗碗碟碟，再唔走就嚟熄咗你嘅煲，再唔走就连你嘅汤煲都收埋！喂，哗晒都几个人食，每一人都要三佰几四佰落楼㗎㖞⋯⋯ 当然我做客人都好明白，如果有人等位嘅，做生意就冇办法啦！～～～ 喂呀！我坐三楼，行楼梯落去，成层二楼冇人坐，使唔使咁赶我哋走呀，咁嘅服务质素，你送几多coupons俾客都冇用，我都真系唔会再嚟帮衬啰！讲返食物：成双汤底$118，清汤味浓，跟以前的小肥羊或者内地的火锅店差唔多，啲肉唔使再点豉油食都已经好够味。羊羊大拼盘$268，羊肉摆置得好靓，羊味浓郁，块块羊肉厚度适中，咬口不错，非常美味。金蒜烧广岛蚝$118，蚝身尺寸适中，蒜香扑鼻，美味可口，配美酒－流。蒙式烤串$28/串，肉味香浓，粒粒厚度刚刚好，肥瘦均匀，羊肉香味，可令你晕之一阵。双丸，鲜虾丸拼墨鱼丸$98，肉味新鲜，粒粒Q弹。