影片
更多
2015-03-14
1497 浏览
之前食开新之城间金满都， 但系早几个月前执咗， 老婆一直好想食返佢个炸春卷， 见有分店咁唯有山长水又远行过去揾返来食。一坐底已经觉得好似有啲中伏嘅感觉， 点解一间主打越南菜嘅餐厅竟然有买港式茶餐厅粉、 面、 饭嘅呢？落单我例牌一定系生牛肉汤河， 老婆就香茅猪排转金边粉再加个细春卷， 由于我哋俩个都有啲肚饿所以唔系叫下午茶而系叫正常价钱$35𠮶种， 见餐牌写住泠热饮品加$5.- 特饮就加$10.- 落单时已经问咗个侍应一次系咪加$5.- 佢答话系咁我就要一杯冻柠茶加一杯冻奶茶。等嘢食途中侍应放底张单， 见转金边粉加$2.- 加嘢饮就每杯加$6.- 咁就揾个疑似经理嘅高级啲职员问下点解加$5.- 变咗$6.-之后佢嘅神级回覆竟然系: 系呀！ 加咗价$6.-呀！ 然后就行开咗！算啦一两蚊费事同你计， 过咗阵足之等到有得食， 唔知大家有无试过生牛肉汤河啲汤系唔热嘅呢？ 佢又唔系话好冻应该有30℃咁上下， 但系请问点可以整熟啲牛肉呢？ 咁就又揾番𠮶个疑似经理嘅高级啲职员同佢讲话唔够热， 佢都好好人咁话同我换𠮶碗！换返来𠮶碗佢哋为表诚意， 将之前碗河粉用另外一个碗再上然后再将牛肉灼熟放面， 咁就叫
一坐底已经觉得好似有啲中伏嘅感觉， 点解一间主打越南菜嘅餐厅竟然有买港式茶餐厅粉、 面、 饭嘅呢？
落单我例牌一定系生牛肉汤河， 老婆就香茅猪排转金边粉再加个细春卷， 由于我哋俩个都有啲肚饿所以唔系叫下午茶而系叫正常价钱$35𠮶种， 见餐牌写住泠热饮品加$5.- 特饮就加$10.- 落单时已经问咗个侍应一次系咪加$5.- 佢答话系咁我就要一杯冻柠茶加一杯冻奶茶。
等嘢食途中侍应放底张单， 见转金边粉加$2.- 加嘢饮就每杯加$6.- 咁就揾个疑似经理嘅高级啲职员问下点解加$5.- 变咗$6.-
之后佢嘅神级回覆竟然系: 系呀！ 加咗价$6.-呀！ 然后就行开咗！
算啦一两蚊费事同你计， 过咗阵足之等到有得食， 唔知大家有无试过生牛肉汤河啲汤系唔热嘅呢？ 佢又唔系话好冻应该有30℃咁上下， 但系请问点可以整熟啲牛肉呢？ 咁就又揾番𠮶个疑似经理嘅高级啲职员同佢讲话唔够热， 佢都好好人咁话同我换𠮶碗！
换返来𠮶碗佢哋为表诚意， 将之前碗河粉用另外一个碗再上然后再将牛肉灼熟放面， 咁就叫换𠮶碗比我！ 点解我知？ 因为我之前𠮶碗已经加咗辣椒粒同个汤依然保持住30℃咁上下!
老婆比咗旧香茅猪排我食， 香茅猪排竟然无香茅味！ 咁同普通炸猪排有乜分别！ 个春卷可能系工场货就无乜特别都系𠮶个味， 但系就无跟汁同生菜！
唉！ 又要用金满都个名又唔认真做！
张贴