牛牛日式火鍋放題 (海之戀商場) (已結業)

员工服务态度部分亲切部分冷淡，叫咗份韮菜饺渌好咗就正满心欢喜食啦，点知馊咗...即时𠼱都𠼱唔切，然后同店员讲咗，点知个店员净系嗌我等阵，结果我真系等咗阵都唔见有人嚟处理，就再同位应该系店长嘅职员再讲，其实由头到尾佢哋都无“危机处理”嘅意识咁，除咗识讲声唔好意思外，完全无主动提出任何解决方案，最后系我哋要求佢哋换个新锅。之后用餐时间无补返俾我都算，但last order都唔讲声，最尾谂住喺自助区拎个公仔面嚟渌，但求饱肚就算。点知个公仔面由屋企人开袋𠮶下我已经闻到好大阵胶味，渌咗之后我成煲汤都劲大阵油膱味，原来包面膱咗，搞到锅入面啲牛肉想食都食唔落口。最后我都废事再要求换锅，因为都无得要落单，佢哋又赶住清场，无谓阻人收工啦，最多走之前再同佢哋讲声，佢哋啲嘢食唔掂，边样嘢食变坏咗，希望佢哋会检讨吓check密啲食品新鲜度啦，我都唔想再有人好似我咁食到身心都唔舒服。