醉美島 (已結業)

今日试咗位于元朗嘅醉美岛，主打都系食烧烤嘅。香口嘢啱晒我。我地两个人叫几样嘢。黑色嘅臭豆腐干，本身索晒汁，好浓味，但如果有返少少独有臭味会更佳。厚烧牛舌几香口。羊肉串唔驶担心羊膻味，但个人觉得稍为干咗少少。鱿鱼板串唔错，好香鱿鱼味亦唔会烧到干晒。粒粒粟米串几可爱，每串细细粒，烟烟韧咁又香甜。腐皮就正常口感啦，冇乜特别嘅。蒜蓉茄子好好味，推介，烤完好香好软，加埋足料蒜蓉，食唔停口。锡纸兜上嘅秘汁娃娃菜都唔错，娃娃茶索晒汁好正。秘汁虾配粉丝，虾感觉都几弹牙，有鲜味，配埋粉丝索咗汁好正。饮品叫咗百香果沙冰同芒果沙冰。百香果好香，饮落酸味味好开胃，食完串烧饮一啖特别爽。但我更推介芒果沙冰，有少少奶底，少少似溶咗嘅芒果雪糕味，亦似杨枝金露，好解渴。整体嚟讲唔错，食物有质素，值得一试。