Beard Papa's

营业中

休息中

星期三去Aeon买特价嘢，咁啱见到泡芙店有特价$42两个泡芙、$38两个苹果批，于是就买左佢新出嘅蜜糖牛油味泡芙同两个苹果批黎试下啦。蜜糖牛油皮士多啤梨馅泡芙本来以为蜜糖牛油系馅料，点知原来系外皮嘅味道🤣。蜜糖牛油皮脆脆甜甜，食落有啲似拖肥糖，相比之下蜜糖味会盖过啲牛油味，有啲可惜。馅料可以拣吉士、朱古力或者士多啤梨味，我地就拣左期间限定嘅士多啤梨味。啲Cream有少少果肉碎，食落偏甜但唔会太腻，有啲似食紧士多啤梨雪糕，作为一个小甜品都唔错。苹果吉士批苹果批可以拣吉士或者朱古力馅，今次我地就拣左吉士味。一切落去𠮶下啲吉士馅爆出黎，cream好多但唔会太甜腻，食落都几香苹果味，而且啖啖都有苹果粒，值得一试。买嘅时候都唔算多人，而且佢哋手脚好快几合拍，一个负责收银，另一个负责准备泡芙，所以唔洗等好耐就拎到。