666泰船麵 (仁愛街) (已結業)

琴日经过见到呢间专食泰国船面既餐厅，由于之前去过泰国食当地既船面，汤底好浓，当地人一般都起码食4,5碗或以上，一直觉得好好味，今次就入左去试。 一入餐厅感觉都唔太迫夹，装修有啲似酒吧。食物方面叫做一个牛肉船嘅船面，一个炸鱼皮配冬阴公汤，海南鸡饭再加鸡肉串烧。首先第一个上嘅系炸鱼皮配冬阴功，炸鱼皮好脆而汤底都好够浓去令炸鱼皮有酸酸辣辣嘅味道。之后系牛肉船嘅船面 ，汤底好浓味又有淡淡嘅药材味，好味，配料有牛腩，肥牛，牛丸，总括嚟讲呢碗面嘅味道系好好，不过如果面既份量可以多小小就完美。至于海南鸡饭，佢哋嘅油饭比想像中好，有好香嘅咸鸡油味又唔会好多水每到个饭好糊口，至于海南鸡都唔错，首先系色水好靓，鸡肉唔鞋，而海南鸡酱味道都几好。 总括嚟讲呢间餐厅性价比唔错，可以下次再去。