炉端金 (已結業)

相约几个友人饭聚，其中一个朋友就系网上send咗条link嚟系介绍呢间放题，话有蚝任食同好多种酒精类饮品可以任饮😚😚仲可以食3个钟，真系听到好心动😍😍急不及待想快啲到𠮶日。当晚准时到餐厅，见到入面啲座位都好阔落，大部分卡位为主，出边放咗啲冷盘海鲜（虾，青口，螺等等），最重要系有两盘两款唔同国家嘅生蚝😍😍，放系自助吧度等我哋拎🤤🤤，见到都开心🤗🤗另外仲有多款唔同嘅红酒，白酒，清酒，梅酒及啤酒俾人选择。热食款式就少咗啲，成日谂住叫啲锅物试下，但饮酒都已经饮饱咗，所以今次冇食到好多嘢~下次一定要再嚟过食服务方面都好好，我叫咗样食物系芝士焗元贝，食落口超咸都已经唔想食，点知我朋友又叫多份，又系咸，最后忍唔住叫侍应帮我哋收走，同埋话咗俾佢知呢款食物超咸，佢哋问使唔使补返，我哋话唔使，因为怕第三份嚟到一样😅之后有个类似经理级嘅人过嚟道歉话会跟进，都问要唔要重新整过俾我哋~我个人认为佢哋服务好，起码唔会黑口黑面对住啲反映意见嘅客人先~🤭大至上所有嘢都好好，个人都满意，最后原来有银联卡系有8折~真系觉得抵呀～😆