富盈廚坊雞煲．海鮮專門店 (已搬遷) 新店位置

禁鸡一排, 终于解禁, 系时候拉大队再去食鸡煲嘞 ！原本女神搞手book左位去食"至尊重庆鸡煲", 点知去到仲要攞飞等, 等左成粒钟都仲要等 ...好彩女神够醒目, 早有两手准备, 即刻转軚去“富盈厨坊”! “富盈厨坊”系旺角既染布房街果头, 位置偏僻, 之前去过呢头附近食韩烧先识路咋, 旺角地铁站E1出, 系奶路臣街直行到尾, 沿路有“中旅社”, 见“泉章居”后转右直行, 见building上二楼便是。“富盈厨坊”属中式酒楼格局, 我地廿几人被分坐两圆枱, 好处系坐得较舒服  。我地呢枱大d, 可以放两个鸡煲, 一个小辣及一个中辣。小辣既程度都好辣下, 至于d鸡肉就比较老, 唔知系米解禁后遗症呢?! 好鞋口 啊! 任食配料一样多款式 , 只是无花胶及大只饺子啰…但有海鲜如冻虾 (因为翻渌, 肉质唔够弹牙)、象拔蚌片 (特别爽及鲜味)。 全场最正系芝心丸 , 一咬爆酱, 仲拉得出丝添, 基乎翻叮几次先够喉! 其他唔错既有粟米 (超甜又爽口)、牛栢叶 (够爽口)、鲩鱼片 (爽脆有咬口)、黑木耳 (滑嫩爽脆)、肥牛 (牛味浓郁)、细细只韭菜饺 (皮薄兼韭菜好香,食