Cyprium Cafe

营业中

休息中

何以有此讲法，因为曾经住过马鞍山一段时间，讲真，好食嘅地方系无乜。呢间cafe喺马铁沿线 知道石门比较多嘢食，今次朋友约我试下。Cafe装修唔错，地方座位宽敞，楼底高，入到去几舒服。我哋叫咗二人餐，选择左扒大虾芒果沙律、扒纽西兰羊扒、法国鹅肝炒饭。先黎两件面包。面包暖暖的，圆嘅有提子味，面包松软。方嘅系脆脆的。餐汤：今次餐汤系蘑菇汤。用匙羹舀起第一啖，以为佢系好稀，点知好有蘑菇味，仲有粒粒嘅蘑菇粒。扒大虾芒果沙律：沙律菜非常新鲜，配上少少酸尾尾又甜甜哋嘅sauce，觉得清新又开胃。惊喜嘅系大虾，因为大虾煎左，变左只中虾，但食落香口爽口又夹到个沙律。扒纽西兰羊扒：我哋叫咗7成熟，对我嚟讲有点熟，下次可叫5成。羊扒有三件，size属较细，肉面煎得香口，肉质嫩口，羊味唔算浓。另配上特定酱汁，其酱汁有点似牛尾汤特浓版。如唔想点酱汁，可要求芥末或薄荷酱。鹅肝炒饭：可能食咗羊扒嘅关系 ，因此觉得其炒饭较为清淡。当中食到鹅肝碎，但比例上较为少。饮品及甜品：欣赏佢嘅朱古力蛋糕，朱古力味香浓又有蛋糕嘅口感。