影片
更多
2018-10-03
3896 浏览
第一次食荟景buffet。6点半入座，可以食到10点。生蚝，第一转非常鲜甜，之后个几转就一般(可能批次问题?)，不过”友人”都食左一打。冷盘方面，原只波士顿龙虾超级正，非常新鲜，唔会有霉味，肉质结实，龙虾蟹钳好容易折肉，比龙虾身更好味。冻蟹只食左一件，偏瘦。阿拉斯加蟹脚好肥美，比其他自助餐更优胜。青口酸酸地，几惹味。刺身方面，牡丹虾同帆立贝都比其他自助餐都更鲜甜； 吞拿鱼同八爪鱼就普通。即烤龙虾尾(食左3份)，热辣辣，烤既过程将龙虾味调哂出来，非常惹味，必食！羊架同烧牛肉嫩肉惹味；烧猪腩肉好味；烟肉焗蚝有超多烟肉碎，蚝都算几大只，夹埋一齐食好有赵口；萝白牛腩炆得好腍，唔错；白酒煮蚬卖相出色，但肉质有些少霉，唔新鲜；炒虾外壳惹味，但流于表面；片皮鸭皮唔够脆；龙虾卡邦利意大利云吞麻麻；焗青口既酱汁味道好奇怪；印度烤鸡烤鱼既调味唔太岩我口味；串烧一般；粟米忌廉汤系开粉，唔好饮。食左4杯Movenpick雪糕；鲜橙汁罐装汽水红白餐酒任饮。去到餐厅第一个感觉系环境宽敞，之后就觉得只系自助区空间感大，进食区都几逼，出去拎野食既时候经常要让其他客人/侍应过(有种狭路相逢既感觉)。星期三人流唔算多，但
生蚝，第一转非常鲜甜，之后个几转就一般(可能批次问题?)，不过”友人”都食左一打。冷盘方面，原只波士顿龙虾超级正，非常新鲜，唔会有霉味，肉质结实，龙虾蟹钳好容易折肉，比龙虾身更好味。冻蟹只食左一件，偏瘦。阿拉斯加蟹脚好肥美，比其他自助餐更优胜。青口酸酸地，几惹味。
刺身方面，牡丹虾同帆立贝都比其他自助餐都更鲜甜； 吞拿鱼同八爪鱼就普通。
即烤龙虾尾(食左3份)，热辣辣，烤既过程将龙虾味调哂出来，非常惹味，必食！羊架同烧牛肉嫩肉惹味；烧猪腩肉好味；烟肉焗蚝有超多烟肉碎，蚝都算几大只，夹埋一齐食好有赵口；萝白牛腩炆得好腍，唔错；白酒煮蚬卖相出色，但肉质有些少霉，唔新鲜；炒虾外壳惹味，但流于表面；片皮鸭皮唔够脆；龙虾卡邦利意大利云吞麻麻；焗青口既酱汁味道好奇怪；印度烤鸡烤鱼既调味唔太岩我口味；串烧一般；粟米忌廉汤系开粉，唔好饮。
食左4杯Movenpick雪糕；鲜橙汁罐装汽水红白餐酒任饮。
去到餐厅第一个感觉系环境宽敞，之后就觉得只系自助区空间感大，进食区都几逼，出去拎野食既时候经常要让其他客人/侍应过(有种狭路相逢既感觉)。星期三人流唔算多，但略嫌人手不足。我地坐系近窗边，收碟速度慢，好多时都要挥手叫侍应清碟，有时甚至揾唔到侍应，尼方面真系需要改善。仲有，个人觉得尼间餐厅既侍应都几扑克脸，好似唔系好愿意serve人。
*如果无75折优惠就未必考虑
(个人口味：3.2+3.7/10)
张贴
