素食新一代 (已結業)

今(10-12-2018 Mon）日放假，电发前食个晏，但唔系好肚饿，谂唔到食乜，又唔想食咁多肉，突然谂起荃昌呢头有素食店，就行嚟睇睇。环境比较迫，冇人理，我自己坐低，唔见有menu，亦冇俾，见好似个个都食唔知几多𩠌嘅饭，我又惊食唔晒，于是我自己去收银喥攞menu睇，睇唔见咩嘢两，三𩠌饭，咁唯有叫$26.00嘅菜远蚝油捞面，同个女仔讲咗后冇应我。隔一阵，我就再叫佢啦，佢答渌紧。啊，你唔应我我点知你落咗单未？之后睇到咩2:30pm前同好似4:00pm后有$30.00最低消费，咁我不如叫多样，叫咗$7.00嘅冻豆浆。冇耐，冻豆浆到嚟，份量系一只普遍水杯咁多。饮落都几甜吓，豆味唔算浓。然后菜远蚝油捞面到嚟，菜远系生菜，但明显灼过龙，变成黄绿色，将面捞匀素蚝食先，素蚝油都几咸，面质都爽。2.8分服务:几乎做熟客生意，个个入嚟坐底，唔使叫就知要套餐，只系个客自己再讲边样𩠌要多要少。其他:喺等嘅时候，我至见到几乎人人都叫嘅套餐，原来系$38.00嘅5𩠌饭，今日有木瓜汤，汉堡扒，姜炒时蔬，芙蓉蛋，南乳莲藕同沙爹冬瓜，饭或粥，汤或豆浆都得。