唐宮小聚 (新港中心)

营业中

休息中

今日黎到黎间中菜馆，环境装修方面都好Chill.一坐低店员已经主动帮妳开壶茶。佢有一张点心纸，同时都有提供QR code比妳手机落单。扫完QR code,当然第一时间点左只必点既沙田乳鸽先啦。只乳鸽唔好睇佢细细只，都有肉，调味都唔错，另外个皮都好脆。呢间中菜馆仲好贴心咁准备左胶手套同埋一个细细既垃圾桶比妳装骨同垃圾。呢个系一个加分位。而另外都点左网上推介既非常山竹，外皮都几脆，个皮食落系平时既煎堆咁，内里有龙虾汁，蟹肉同虾。呢个搭配都几好食，推介。👍蝴蝶酥就正常发挥，打卡一流，是关整到成只蝴蝶🦋咁。至于个丝瓜小龙包就有惊喜，本身谂住试下only,点知佢都整到皮薄之余仲可以锁住d汤汁，夹起又唔会好易穿。食物质素同环境绝对对得住个价。