阿不小館

营业中

休息中

原本唔系去呢间，点知我想食𠮶间要等好耐….咁啱经过见到门口张海报就试吓 …… 真心伏…餐牌不是太多选择，招牌菜花雕蒸鸡 我觉得似酒精蒸鸡多啲！ 咁大家可以谂到个味系点，以为呢个已经系一个大伏 ，点知一食嚿鸡…柴过脚皮！ 大佬已经系鸡髀位 -.- 成碟其他部位都系咬完吐返半件出嚟….. 唉 伴碟𠮶几只大显蚬一样咁柴，真系唔知想点 其余仲试咗两样嘢都算可以嘅，黑松露虎虾炒蛋，同埋个煲仔蛋黄南瓜，呢两样正常发挥 服务就不过不失，只系个唔知老细定经理，好似中场指挥咁，大佬餐厅嚟㗎…大排档咩？！茶餐厅啲老细都唔会对住啲客表现咁霸气 ～ 隔篱枱问佢有冇停车飞仲喺度扮傻，其实你正正经经话俾人听唔可以俾，揸开车嘅都会明白，唔会怪你，使乜扮唔明人讲乜，问非所答，咁样真系好核突两个人埋单四百几，airside咁多嘢食，真系可免则免