可可豬海南雞專門店 (寶榮大廈) (已結業)

🥡特色椰香海南鸡饭（$43）：小编好钟意呢款纸盒包装嘅饭盒，觉得外观文雅，同时相对上环保。打开饭盒嘅一刻已经有一股香草甜味，左边系饭以及鸡块，右边就系一啲萝卜丝。- 用嚟点鸡肉嘅酱汁都真系一绝，酸甜中有少许辣味，刺激味蕾嘅同事又唔会觉得辣辛苦，赞！- 让小编最惊喜嘅系佢嘅饭，细嚼之下居然有一股斑兰叶嘅香味？ 越咬越香，系小编第一次知道嘅味道。真系有啲难形容，需要各位读者亲自试吓，真系好奇妙嘅味道～🍗药膳醉鸡配白饭（$53）：花雕酒味浓，鸡肉滑嫩，配上香软白饭正正好好。🥗秋葵（$22）：偏向爽脆的口感，没有大众一贯会想起的滑潺潺嘅口感。加上适量嘅甜豉油，相信系普遍大家都可以接受的口感和味道。小编尤其喜欢秋葵内的种籽，咬落去「卜卜」声，有啲似咬开鱼子咁，好过瘾！🧆麻辣鸡肾（$28）：呢个稍为雪一雪冻，变咗凉拌咁食仲正！麻有麻香，辣就少许（小编米线就食开中辣）。雪完之后，啲肉嘅口感变咗好烟靭，但筋膜位就会爽脆，呢个时候嚟一罐冰凉嘅啤酒，一绝！⚠️注意：整间舖头嘅酱汁及𩠌菜做法都偏甜，即系辣中带甜，咸得来最后会回甜，小编个人就几喜欢呢种做法～可可猪海南鸡专门店 (北角)地址：北角炮台山麦连街1A