影片
更多
2023-08-11
1035 浏览
旺角最近有间新开楼上cafe成为热话，原因系店内有超过40只猫咁多；印象中其他宠物cafe都冇咁多。今次约埋我𠮶位有养猫嘅朋友一齐去，食完之后佢话呢度啲猫猫好得意，第日可以再去食饭玩猫呀😆进入餐厅前先要穿上鞋套同埋消毒双手，目的系要尽量维持环境卫生。店内装潢简洁，墙上有关于猫嘅挂画同埋图案。最令人瞩目一定系俾猫猫玩嘅设施啦。带有粉色及不同形状钉系墙上面嘅爬架，见到啲猫喺度爬嚟爬去真系极chill！窗边有三张榻榻米枱，应该系全场最舒服同埋最接近猫猫嘅地方呢。店内有超过40只猫猫陪你玩，原来每一只猫有不同嘅性格，想揾答案就要睇挂喺猫颈上嘅颜色绳喇。我一直都觉得宠物cafe地方唔会干净同埋周围会好多毛。不过凡事都有例外😆呢间cafe 比我想像中整洁，食饭嘅时候亦唔见有猫毛喺度飘飘吓😆😆▫️香煎大虾辣番茄意粉 (HKD118) - 番茄酱好惹味，意粉又够弹牙，大虾煎过后香味十足，我同朋友都好钟意食。▫️烟鸭胸青酱意粉 (HKD108) - 食物摆盘一哋都唔求其，厨师将啲烟鸭胸排到靓靓先上枱。虽然我哋两个主菜都系叫意粉，但味道明显唔同，鸭胸鲜嫩多汁，经过烟臐后已带有咸嘅味道，混入淡淡嘅青酱就系最好嘅
进入餐厅前先要穿上鞋套同埋消毒双手，目的系要尽量维持环境卫生。店内装潢简洁，墙上有关于猫嘅挂画同埋图案。最令人瞩目一定系俾猫猫玩嘅设施啦。带有粉色及不同形状钉系墙上面嘅爬架，见到啲猫喺度爬嚟爬去真系极chill！窗边有三张榻榻米枱，应该系全场最舒服同埋最接近猫猫嘅地方呢。店内有超过40只猫猫陪你玩，原来每一只猫有不同嘅性格，想揾答案就要睇挂喺猫颈上嘅颜色绳喇。
我一直都觉得宠物cafe地方唔会干净同埋周围会好多毛。不过凡事都有例外😆呢间cafe 比我想像中整洁，食饭嘅时候亦唔见有猫毛喺度飘飘吓😆😆
▫️香煎大虾辣番茄意粉 (HKD118) - 番茄酱好惹味，意粉又够弹牙，大虾煎过后香味十足，我同朋友都好钟意食。
▫️烟鸭胸青酱意粉 (HKD108) - 食物摆盘一哋都唔求其，厨师将啲烟鸭胸排到靓靓先上枱。虽然我哋两个主菜都系叫意粉，但味道明显唔同，鸭胸鲜嫩多汁，经过烟臐后已带有咸嘅味道，混入淡淡嘅青酱就系最好嘅配搭！
▫️Oreo曲奇雪糕窝夫 (HKD98) - 卖相色彩缤纷，对唔想食太多甜点嘅我哋份量刚刚好，切开一半两个人分啱晒！热辣辣嘅窝夫配上cookies and cream 雪糕，一冷一热融合一齐再配埋Oreo饼干一齐食，超满足呀。
想喂猫猫嘅话可以经店员购买猫零食(HKD18)一份，只要有零食喺手，啲猫就会好自然地扑向你度㗎啦！场面好壮观！好多食客都即时拎起手机拍片呢。
张贴
