影片
更多
2024-01-20
167 浏览
今日同朋友去咗猫咪Cafe，喺铜锣湾旺中带静嘅地方，一入到去觉得好干净，因为佢会叫你除鞋同消毒，所以觉得室内嘅卫生好唔错，猫毛唔会特别多，好干净无咩味！入到去嘅话有好多猫猫，品种都唔同，去得猫猫Cafe梗系重点同猫猫玩，店员会好好咁比工具你，叫你同猫猫互动，又会介绍边一只猫猫比较亲人，自己最钟意叫做蘑菇汤嘅猫，浅浅地颜色好可爱，又好乖！食物方面叫咗大猫鸡肉沙律$98，因为今日想食得清淡啲，有呢啲选择好唔错！鸡胸肉有惊喜，唔会太干，入边仲有好多水果粒，好似橙、苹果等等，所以唔会话单调，沙律配上芝麻酱都几清爽。朋友叫咗带子蒜香忌廉意粉$148，味道好浓郁，酱汁包裹住意粉唔会好干身，带子都几好食，原粒上，质地唔会太软身，好爽弹，都有四至五粒，份量上来讲一个男仔都冇问题！饮品虽然冇得跟餐叫，但系我同朋友都叫咗一杯冻嘅蜂蜜白提爽同埋一杯热嘅flat white，咖啡都几香！蜂蜜白提爽口感清新，味道唔会太甜，有啲似qoo, 我觉得配一啲浓味嘅意粉几夹！呢间铺店员同气氛都好好，猫猫睇落都好健康，都好精灵活泼，店员唔会催促你，可以同朋友好好倾吓偈，倾完偈又可以一齐同猫猫玩，墙上面仲有介绍唔同猫猫嘅手工
今日同朋友去咗猫咪Cafe，喺铜锣湾旺中带静嘅地方，一入到去觉得好干净，因为佢会叫你除鞋同消毒，所以觉得室内嘅卫生好唔错，猫毛唔会特别多，好干净无咩味！
入到去嘅话有好多猫猫，品种都唔同，去得猫猫Cafe梗系重点同猫猫玩，店员会好好咁比工具你，叫你同猫猫互动，又会介绍边一只猫猫比较亲人，自己最钟意叫做蘑菇汤嘅猫，浅浅地颜色好可爱，又好乖！
食物方面叫咗大猫鸡肉沙律$98，因为今日想食得清淡啲，有呢啲选择好唔错！鸡胸肉有惊喜，唔会太干，入边仲有好多水果粒，好似橙、苹果等等，所以唔会话单调，沙律配上芝麻酱都几清爽。
朋友叫咗带子蒜香忌廉意粉$148，味道好浓郁，酱汁包裹住意粉唔会好干身，带子都几好食，原粒上，质地唔会太软身，好爽弹，都有四至五粒，份量上来讲一个男仔都冇问题！
饮品虽然冇得跟餐叫，但系我同朋友都叫咗一杯冻嘅蜂蜜白提爽同埋一杯热嘅flat white，咖啡都几香！蜂蜜白提爽口感清新，味道唔会太甜，有啲似qoo, 我觉得配一啲浓味嘅意粉几夹！
呢间铺店员同气氛都好好，猫猫睇落都好健康，都好精灵活泼，店员唔会催促你，可以同朋友好好倾吓偈，倾完偈又可以一齐同猫猫玩，墙上面仲有介绍唔同猫猫嘅手工画添，环境嘅温馨舒服！
张贴
