Hello Kitty 中菜軒 (已結業)

前几日同几位旧同事饭聚，之前出亲嚟食都唔系放题打边炉就系烧烧烧，中菜就真系未试过，几位大唔透拣咗Hello Kitty中菜厅。餐厅装潢非常中国风，到处都系Hello Kitty，当然餐具、茶壶都系，我地就梗系疯狂影相mode啦。【Hello Kitty 干炒牛河】- 都炒得几香口，牛肉都唔少，份量都足，同事话啲蛋丝系Hello Kitty蝴蝶结，我就唔系好睇得出啦……【Hello Kitty 点心】- 叫咗肠仔卷、流沙饱、鲜虾饺皇、马拉糕、菜苗饺。全部都cute到相机食先而人就唔舍得食，至于味道就不过不失啦。【牛肉石锅饭】- 外观同餐牌不符(餐牌个米饼系覆盖晒成个锅)，味道还可以，够晒热。【Hello Kitty 啫啫鸡煲】- 煮出嚟好香，鸡肉嫩滑，不错。【Hello Kitty 爆炸饭】- 侧边𠮶啲系爆炸糖嚟，真系未试过爆炸糖捞饭食。我地6个人，除左上面𠮶啲仲叫咗豆腐鸡软骨、手工脆皮牛展、椒盐鲜鱿、杏汁白肺汤，连埋加一茶位前菜，食到饱晒，每人都系200几，唔算太贵，而且整体嚟讲食物质素都ok，最紧要系食得开心。