반찬앤쿡 Banchan and Cook (東薈城名店倉)

营业中

休息中

芝士炸猪排魔法蛋包饭❤餐厅既招牌蛋包饭，今次仲要同BT21合作，必点呀! 蛋味白浓，口感实在得黎有层次，饭粒粒粒分明，流心芝士炸猪扒，啖啖肉，入口一D都唔腻，配上香口咖哩既味道，好味! 如果份量再大D就更好喇。辛辣肉酱年糕❤好香辣可口，年糕软硬岩岩好，外层小小焦香，一咬入面好软糯嚼劲，而辛辣肉酱好惹味香浓，辣度岩岩好得黎带小小甜味，满足!双拼无骨炸鸡❤ 鸡皮香脆肉嫩好juicy，啖啖肉又唔洗去骨。底下既薯条热辣辣，入口唔油腻。炸年糕口感亦都好烟韧，好有咬口，样样都即叫即炸。我地叫左双拼口味，蜜糖同洋葱，香甜既蜜糖同小咸香味浓既洋葱，分开食定mix埋一齐，都系咁惹味可口!朱古力魔法甜点❤朱古力卷配上提拉米苏牛角窝夫包，前者朱古力味香浓，入口松软香甜。而牛角窝夫包口感香脆，牛油味重，夹埋雪糕同忌廉一齐食，好邪恶。魔幻星空蝶豆花苏打❤蝶豆花沟蓝莓苏打，味道酸酸甜甜够清新白桃甜蜜梳打❤白桃香味浓郁，一D都唔死甜唔腻，够清爽。