群記清湯腩 (已結業)

日期：10月6日人数：3人数到大埔名物，不可不提呢间群记清汤腩。呢间野我真系由细食到大，应该都有十几年。爽腩河粉价钱由20几蚊食到而家$63 ，都仍然继续帮衬，可想而知佢系有几吸引几好食。以前餐厅系1:00开门，我哋一家人系会大概12:45去到排队，争取食第一轮。依家系开12点，假日系唔开门嘅。小店出品，味道绝对比相片好。一上嚟必须趁热先饮几啖汤，之后食爽腩。清汤底的确系冇以前咁浓郁咁有牛味，但依然系好好饮，亦都真系冇味精，饮完唔口渴。爽腩好有嚼劲，亦极富牛肉味。虽然有人话辣椒油好食，但我从来未落过，因为好够味。河粉系正常河粉，冇乜特别。小店环境就唔好要求咁多，但好干净卫生。服务都几好，好有人情味。因为都好多人排队，所以食完一般就会走人，不会再坐一会。