影片
更多
2010-06-24
60 浏览
经过寻日嘅星巴克体验，我对港式食物嘅心瘾又一次重燃-毕竟系香港人嘛。咁岩爸爸早上有事要出中环可以一齐食早餐，我就提议去试下上环市政-传说中嘅瑞记玉泉樽仔奶茶同蛋牛饱。上环市政熟食中心其实唔细，重有好多各式其式嘅茶档，相反我地目标要去嘅瑞记档仔细细又缩埋右边，如果唔系个瑞记嘅招牌我地会完全locate唔到间铺。坐低，见到客人唔多并以街坊客居多，伯伯同应该系friend底嘅客吹水；我地一场黎到，无理由唔试下佢嘅奶茶同蛋牛饱，就同妈妈两枝加一个share。爸爸钟意玩另类，叫左热咖啡同奶油多，我地都无佢咁好气。饮品好快地由笑脸迎人嘅伯伯送上；吸一啖樽仔奶茶，系无金凤嘅咁浓咁full咁令人感动（我第一次饮到差啲流泪），但味道好平衡，唔会一味死甜，同埋因为无冰嘅关系唔会越饮越淡，其实系不错嘅，如果金凤嘅有九／十分，瑞记嘅都值八分架。不过爸爸话佢杯热啡普通，无他嘅，鬼叫你系都叫热唔叫樽仔version试下！之后奶油多先到，观其形感觉不错，又够厚，下次一定要试试；之后突然听到打蛋声，应该系伯伯度整我地个饱！再等多两分钟，新鲜滚热辣嘅蛋牛饱都上埋，伯伯重好细心咁切左做三份俾我地share，只可惜我爹死都
上环市政熟食中心其实唔细，重有好多各式其式嘅茶档，相反我地目标要去嘅瑞记档仔细细又缩埋右边，如果唔系个瑞记嘅招牌我地会完全locate唔到间铺。
坐低，见到客人唔多并以街坊客居多，伯伯同应该系friend底嘅客吹水；我地一场黎到，无理由唔试下佢嘅奶茶同蛋牛饱，就同妈妈两枝加一个share。爸爸钟意玩另类，叫左热咖啡同奶油多，我地都无佢咁好气。
饮品好快地由笑脸迎人嘅伯伯送上；吸一啖樽仔奶茶，系无金凤嘅咁浓咁full咁令人感动（我第一次饮到差啲流泪），但味道好平衡，唔会一味死甜，同埋因为无冰嘅关系唔会越饮越淡，其实系不错嘅，如果金凤嘅有九／十分，瑞记嘅都值八分架。不过爸爸话佢杯热啡普通，无他嘅，鬼叫你系都叫热唔叫樽仔version试下！
之后奶油多先到，观其形感觉不错，又够厚，下次一定要试试；
之后突然听到打蛋声，应该系伯伯度整我地个饱！再等多两分钟，新鲜滚热辣嘅蛋牛饱都上埋，伯伯重好细心咁切左做三份俾我地share，只可惜我爹死都唔肯试一啖，白费人地一担心机。
蛋牛饱-简单地以热狗饱夹住咸牛肉炒蛋而成；但系点解无葱嘅？等我以为个配撘系default嘅？会唔会系伯伯见我无叫要葱所以以为我唔要？唔紧要,不过下次要学精啲喇。惊讶过罗后三份一试试：蛋熟唔会太硬，虽然有唔够咸（无盐嘅关系？），但系同埋带甜嘅热狗饱一齐食效果又ok㖞，唔会太淡；我谂如果用普通方包，无左一份甜，件三文治就会流于平淡同唔够味。依家咁样少少甜少少咸，味道一流！伯伯真系有谂头喇。于是乎蛋牛饱就系咁好快被我地消灭，妈妈都话我无介绍错。
食饱饱，望下门面环境，又唔系其他食评讲到咁污漕-始终系熟食中心嘛，收得你呢个价钱，难道你会expect五星级嘅环境吗？正如你去胜香园都会预左佢得大牌档嘅环境喇系咪？
墙上嘅四句诗-无盐、无蒜、无姜、无酱，难道就代表左伯伯煮食嘅秘诀？加上一个超巨型嘅日历，伯伯重未mit到廿三号𠮶张，就好似时间喺呢度停左咁，同墙上面用中国数字写嘅menu有住一种呼应，一切都停左昨日，有一种时间停顿嘅奇异悠闲感...
讲开又讲，虽然隔壁档系的确不停切紧菜准备紧，不过都唔会臭或者嘈㖞，重见到切菜嘅姐姐飞单叫左个蛋牛饱切完菜慢慢叹添，搞笑又充满人情味，温馨非常。
走𠮶阵问阿伯星期日休唔休息，得到个除左年初一二三之外无休嘅好消息，睇黎星期日除左去莲香之外有食早餐嘅好去处喇；阿伯重满脸笑容咁同我地讲拜拜同多谢，服务好到加零一。
三人早餐四十七，虽然食物未必系完美，但系𠮶一份人情味同埋真诚，无价。one man band嘅伯伯，努力！
张贴
