茶茶台式料理 (已結業)

好耐冇食过一人一锅，今次就嚟呢间台式料理食下~见佢有好多款一人一锅拣，每款都写明入面有咩材料，辣度可以自由选择~我叫咗个药膳鸡锅，一上碟就已经见到个锅几大下，而且鸡肉份量算多，个汤底都够浓，feel到有药材味，又唔会系苦，反而有种药材嘅香味，见到有杞子同虫草花，感觉几健康~佢入面有好多款唔同材料，我比较钟意佢配合养生主题系以蔬菜为主，鸡肉都够嫩滑~佢有得自己配搭火锅酱料，可以按个人喜好选择酱料嘅份量~同行朋友叫咗个茶茶麻辣锅，佢拣咗小辣，试咗佢个锅几啖觉得一开头不会太辣，但系汤底越熬越浓，开始辣味提高，感觉几刺激~个锅有唔同嘅丸类，牛肉，同埋公仔面，啱晒食肉兽😬不过佢入面都有啲蔬菜，可以平衡返😂食完个锅都好饱，不过见到佢啲串烧几吸引，所以小食就叫咗一串车厘茄烟肉卷，烟肉包住车厘茄一啖咬落去可以食到烟肉嘅肉汁同埋车厘茄入边嘅汁，口感几特别，有两种唔同层次，再加埋串烧嘅香料可以提升车厘茄同烟肉嘅鲜味，食落口感几丰富~最后叫咗两杯台式嘢饮，我哋拣咗无糖嘅纯绿研同埋荔枝红玉，个人比较钟意无糖饮品，觉得呢杯嘢饮够大杯，而且茶味都够香浓，系饭后饮品嘅好选择👍