影片
更多
2020-09-23
1423 浏览
今日带阿仔返小西湾探爷爷嫲嫲，但阿乖孙话唔想饮茶，系都要话食格仔饼，所以就去到小西湾先买啲小食，再揾两老饮茶。上网search到呢间品臻，好似都几啱食，于是乎就嚟买吓啲小食啦！见到佢门面都有好多唔同出品嘅poster，都几多元化，啲相又影得几靓，最紧要就系佢嘅价钱唔贵，搞到我都心思思叫咗几样小食同埋饮品。所有食品同饮品都系即叫即整，所以都要等大概10分钟，不过就胜在够新鲜热辣辣。首先叫咗2杯饮品，分别系炭烧乌龙茶($20)及芋头特浓鲜奶($31) ，乌龙茶茶味够香浓，解渴一流，抵饮！芋头奶有好多芋蓉，啖啖有口感，好饮！总之就正啦！格仔饼新鲜热辣，虽然等咗一阵先食，但系仍然外脆内软，配埋花生酱同埋炼奶，阿仔食到舔舔脷！呢个椒盐花枝丸虽然有啲贵，要$6/粒，但佢系正宗台湾出品，大大粒够弹牙，食到有花枝粒，嫲嫲都话未食过咁好味嘅丸店员仲推介我哋买台式盐酥鸡，我哋要咗一份大嘅，原来份量系劲多，盐酥鸡嘅调味咸中带香，个粉浆薄薄唔会太厚，脆而不硬，肉质保持鲜嫩带有肉汁，所以去到酒楼仲偷鸡攞咗嚟送饭食。今次嘅加料行动非常成功，两老都好识欣赏，所以下次过嚟饮茶可以再去帮衬啦！
见到佢门面都有好多唔同出品嘅poster，都几多元化，啲相又影得几靓，最紧要就系佢嘅价钱唔贵，搞到我都心思思叫咗几样小食同埋饮品。
所有食品同饮品都系即叫即整，所以都要等大概10分钟，不过就胜在够新鲜热辣辣。
首先叫咗2杯饮品，分别系炭烧乌龙茶($20)及芋头特浓鲜奶($31) ，乌龙茶茶味够香浓，解渴一流，抵饮！芋头奶有好多芋蓉，啖啖有口感，好饮！总之就正啦！
芋头特浓鲜奶
$31
34 浏览
0 赞好
0 留言
原味格仔饼
$16
32 浏览
0 赞好
0 留言
椒盐花枝丸(5粒)
$30
26 浏览
0 赞好
0 留言
台式盐酥鸡(大)
$32
26 浏览
0 赞好
0 留言
张贴
