影片
更多
2022-09-19
286 浏览
（2022年7月新开𠮶阵去食）好耐无食台式火锅，今次就嚟到旺角朗豪坊8楼，食仲试业紧嘅「好呷台湾火锅」。本身谂住早啲食、早啲消化，预早一个钟前拎定飞，点知喺假期加上三号风球下，大家都出晒街食饭😆晚市时间非常热闹，去到餐厅门口眼见全部都系人。-晚市可以食120分钟，一批批人放入去，绝对要开住App睇叫筹。好呷🍲同样系叙福楼集团旗下，大家可以喺App到拎定筹，再睇叫号。💡牛角金会员优先入场嘅待遇呢度都用得，轮候时间会比一般walk-in客快（要揾埋金会员一齐食）。我哋差唔多时间分别拎咗普通飞同金会员嘅筹，最后喺咁繁忙嘅日子，用金会员张筹，大概都等咗2个钟先有枱入得，至于张普通筹都仲排紧……（所以真系好想、好想、好想食，请携同金会员）— 正 题：食 咗 咩 ？—120分钟晚市放题：·台南 $298/位 （假期+$10）·鸳鸯锅（+$50）放题按锅物款式多少，分成4个级别：台东、台中、台南、台北。「麻吉游·吃台南」主要嘅锅物就多咗麻辣嫩牛肉、牛小排、樱花虾墨鱼滑、虱目鱼丸、花胶、马蹄木耳贡丸同鲷鱼片。除咗呢几款，仲有得食蛋饺、三星葱爆浆贡丸、麻辣芫荽鸡滑同高丽菜水饺。*芫荽鸡滑，麻麻辣辣，内有
好耐无食台式火锅，今次就嚟到旺角朗豪坊8楼，食仲试业紧嘅「好呷台湾火锅」。
本身谂住早啲食、早啲消化，预早一个钟前拎定飞，点知喺假期加上三号风球下，大家都出晒街食饭😆晚市时间非常热闹，去到餐厅门口眼见全部都系人。
-
晚市可以食120分钟，一批批人放入去，绝对要开住App睇叫筹。好呷🍲同样系叙福楼集团旗下，大家可以喺App到拎定筹，再睇叫号。💡牛角金会员优先入场嘅待遇呢度都用得，轮候时间会比一般walk-in客快（要揾埋金会员一齐食）。
我哋差唔多时间分别拎咗普通飞同金会员嘅筹，最后喺咁繁忙嘅日子，用金会员张筹，大概都等咗2个钟先有枱入得，至于张普通筹都仲排紧……
（所以真系好想、好想、好想食，请携同金会员）
— 正 题：食 咗 咩 ？—
120分钟晚市放题：
·台南 $298/位 （假期+$10）
·鸳鸯锅（+$50）
放题按锅物款式多少，分成4个级别：台东、台中、台南、台北。
「麻吉游·吃台南」主要嘅锅物就多咗麻辣嫩牛肉、牛小排、樱花虾墨鱼滑、虱目鱼丸、花胶、马蹄木耳贡丸同鲷鱼片。除咗呢几款，仲有得食蛋饺、三星葱爆浆贡丸、麻辣芫荽鸡滑同高丽菜水饺。
*芫荽鸡滑，麻麻辣辣，内有少少软骨，咬落咔咔声。
汤底有9款可以拣，我哋就贪心啲试两款，拣鸳鸯锅：1号酸菜白肉锅＋4号药膳养生鸡锅。汤底一开始最浓味，食食吓加汤就只系加鸡汤，感觉好似淡味咗。
自助区有别于牛角Buffet，熟食、饮品、配菜分别放喺唔同区域，或者系想大家行多几步，消化消化吓。
饮品方面，如果你钟意饮珍珠奶茶，你又可以珍奶饮到饱🧋🤣分别有黑糖珍珠奶茶同芋香珍珠奶茶。偏人工紫色嘅🍠芋香珍奶甜度满分，味道就似雀巢芋头雪条再加糖，甜得过瘾。
唔想饮废水，可以饮🍵冷泡茶：白桃乌龙茶、桂花乌龙、玄米茶、茉香绿茶。餐牌上面仲写有爱玉冬瓜茶同桂花乌梅汁，不过今次喺雪柜就见唔到有啦。
自助区有唔少台湾小食，我哋就大包围，每款都试一件先～台湾肠、*手抓饼、甘梅地瓜薯条、盐水鸡、地瓜球、炸花枝丸、盐酥鸡、炸杏鲍菇、卤猪肚、卤牛肚、卤豆腐、肉燥饭等。
*食手抓饼𠮶阵，反转睇到个饼底㶶咗㖞……
去到尾声仲要留位（胃）试甜品：好呷综合红豆汤。每人一碗仔，红豆汤加仙草、芋泥同少许芋圆。仙草滑溜，红豆汤有粒粒红豆🫘不过芋圆就麻麻，无烟韧口感，似粉团，惊喜在有绿色款。
以为已经食完？原来仲有Movenpick雪糕🍦可以拣朱古力/云呢拿味。（好似系叫台南、台北餐先有，由职员派发）
两个钟食咁多嘢，胃，你仲顶得顺、消化得切吗？🥲
-
小事一则，渌肉嘅时候或者会发现有啲猪肉、牛肉煮咗好耐都仲系粉红色，其实系正常嘅，煮到一定时间就食得，担心嘅话可以问吓。
张贴
