老鍋台式火鍋 (京都廣場) (已結業)

依家香港人食火锅，已经食到出神入化，由最普通嘅港式火锅到近年讲求健康嘅养生锅。不过要揾香港揾到地方就脚、卫生良好，而且性价比高嘅火锅店就真系唔容易。今日嚟呢间嘅火锅店，一入到去就已经有漫天嘅天灯作为装饰，已经话到俾大家听：今日就系主打台式火锅！而且座位亦都唔会太狭窄，成班朋友一齐烚吓烚吓倾下偈都相当舒服。打边炉，除咗个炉最紧要之外，汤底都系决定今餐食得开唔开心嘅重点！呢度既锅底有几款选择，而今次我就拣咗美人锅。顾名思义，呢个锅底相对嚟讲系养生啲，系用唔同嘅药材熬制，当中仲包括人参！饮落去汤底唔会好重药味，反而系有清甜嘅香味，怕饮苦茶嘅朋友唔使惊！🌟手切安格斯牛重点要讲安格斯牛，一放落去烚就知好唔好。因为唔好嘅肥牛食落去会冇咩牛味，而且肉同肥会分开，肉质松散。而今次嘅牛一上枱，首先唔会雪到硬晒，好似成旧冰咁。而且烚落去亦都肉质相当扎实，唔会牛肉同肥肉分开，食落去亦都有口感之余，又有阵阵嘅牛味，可以话系打边炉嘅最佳拍档！🌟千张豆叶纸🌟手工丸拼盘🌟雪花牛🌟五彩鲜蔬盘另外，值得一提嘅系，其他配料亦都相当新鲜，好似千张豆叶纸，薄薄一条，十分入味！手工丸拼盘亦都种类多，有4款丸，每款各1粒，岩岩好