老街 (彌敦道)

营业中

休息中

假日到旺角行街，夜晚唔知食咩好，随机～行行下红过呢间老街，食台湾野，价格同食物都几吸引即试下。餐厅面积颇大，装潢打造台湾老街的风貌。餐牌，见套餐几抵食，我地3人每人叫一个套餐，跟唔同嘅小食一齐Share 。招牌老街牛肉面，$80，好大碗，牛肉份量适中，口感松化入味，汤底味道浓郁，拉面弹牙，不俗。酥脆盐酥鸡，跟餐的小食，都几大粒，但唔够酥脆同太油，味道普通。宜兰葱馅饼，口感烟韧，味道香口，但都几油。梅子脆薯，大件的脆薯，洒上了话梅粉，酸酸地减低油腻感。珍珠奶茶，跟餐+$8，珍珠份量适中，正常水准。食物正常水准，坐卡位几舒适，价格合理。